Sunday, June 12, 2011

Forien Exchange Market study in singhala

1. Forex කියන්නෙ මොකක්ද?

එහෙනම් අද Blog post එකේ ඉඳලා අපි Forex ගැන ඉගෙන ගන්න පටන් ගමු. මම ඇත්තටම කලින් හිතාගෙන හිටියේ Forex වල Theory side එක පොඩ්ඩක් කියලා දීලා ඊට පස්සෙ Practical පැත්තට බහින්න. ඒ උනාට ගොඩක් දෙනෙක්ට මේක කරන්න පටන් ගන්නකන් ඉවසිල්ලක් නෑ. ඒ නිසා අපි කෙලින්ම වැඩේට බහිමු. Theory, History වගේ තොරතුරු මම ඔයාලට ටික ටික මේ Blog එක හරහා කියලා දෙන්නම්. එහෙනම් කට්ටිය ලෑස්ති වෙන්න අළුත්ම Subject එකක් ඉගෙන ගන්න.

මේකට ඇත්තටම කියන්නෙ Forex Market කියලා. හරියට ලංකාවෙ අපට අහලා පුරුදු Share Market හෝ Stock Market එක වගේ. මේකට Forex කියලා වගේම FX Market, Currency Market කියලත් කියනවා. Market කිව්වාම අපිට එකපාරටම මතක් වෙන්නේ "පොළ" නේද? පොළේ මිනිස්සු සල්ලි හම්බ කරන්නෙ කොහොමද කියලා ඇහුවෙත් ඔයාලා කියයි "බඩු විකුණලා" කියලා. එතකොට මම Forex Market එකේ සල්ලි හම්බ කරන්නෙ කොහොමද? කියලා ඇහුවොත් ඔයාලා දෙන උත්තරය මොකක්ද? කමක් නෑ උත්තරය මමම කියන්නම්. Forex Market එකේ සල්ලි හම්බ කරන්නේ "සල්ලි" විකුණලා. දැන් සමහර විට ඔයාලා බලයි මේ මොන අපබ්රංසයක්ද කියලා. බය වෙන්න එපා මම පැහැදිලි කරන්නම්.




Forex කියන වචනය හැදිලා තියෙන්නේ Foriegn හා Exchange කියන වචන දෙක එකතු කරලා කෙටි කිරීමෙන්. දැන් සමහර විට ඔයාලට පොඩි Idea එකක් එනවා ඇති. එහෙම නැතත් කමක් නෑ දිගටම කියවන්න. අපි ඉස්සෙල්ලා කතා කරා පොළේ මිනිස්සු සල්ලි හම්බ කරන්නේ කොහොමද කියලා. ඒ මිනිස්සුන්ට ලාභ ලබන්න ඕනෙ නම් එයාලා බඩු අඩු මිලට අරගෙන වැඩි මිලට විකුණන්න ඕනෙ. එතකොට දළ වශයෙන් එයාලාගෙ ලාභය වෙන්නේ,

ලාභය = විකිණූ මිල - ගත් මිල

උදා: ගත් මිල = 90 හා විකිණූ මිල = 110 නම්
ලාභය = 110 - 90
ලාභය = 20

දැන් අපි බලමු මේ Concept එක Forex වලට අදාල වෙන්නෙ කොහොමද කියලා. ඔයාලා කොහේ හරි විදේශ රටකට ගිහින් තියෙනවද? එහෙමත් නැතිනම් ඔයාලගෙ නෑදෑයෙක් හෝ යාළුවෙක් විදේශ රටකට ගිහින් තියෙනවද? එහෙම කවුරු හරි රට යනකොට කරන්න තියෙන වැඩ කොටසෙන් එකක් තමයි, අදාල රටේ සල්ලි වලට අපේ සල්ලි මාරු කරගන්න එක. උදාහරණයක් විදිහට කවුරු හරි USA යනවා නම් එයාලා ලංකාවේ රුපියල් US dollars ($) වලට හරවා ගන්න ඕනෙ. (නැත්තන් ඉතින් කාලා හමාරයි.) මේ වැඩේ බොහෝ දෙනෙක් කරගන්නේ එක්කො බැංකුවක් හරහා නැතිනම් Currency Exchange එකක් හරහා. එහෙම සල්ලි මාරු කරගත්තා කියන්නෙ ඔයාලා නොදැනුවත්වම Forex trade එකක් කරා කියන එක. ඒත් අපි ඒක කරන්නෙ ලාභ හොයන්න නෙවෙයි නේ ඒ හින්ද අපිට ඒක එච්චර මීටර් වෙන්නෙ නෑ. අපි දැන් උදාහරණයක් සලකා බලමු. අපි USA යන්න Plan කරන් ඉන්නවා. අපිට ඒකට US $1000 ක් ඕනෙ වෙනවා. අපි ගිහින් බැංකුවෙන් අහනවා US $1000ක් ගන්න රුපියල් කීයක් යනවද කියල එතකොට බැංකුව අපිට එදා Exchange rate එක බලලා අපිට US $1000ක් ගන්න අවශ්ය රුපියල් ගාන කියනවා. ඔයාලා දැනටමත් දන්නවා ඇති මේ Exchange rates දවසින් දවස වෙනස් වෙනවා කියලා (ඇත්තටම කිව්වොත් දවසින් දවස නෙවෙයි, මේ Exchange rates තත්පරෙන් තත්පරේ වෙනස් වෙනවා, මේක ඔයාලට ඉක්මනින්ම තේරුම් යයි.) දැන් අපි හිතමු අද US$ to Sri Lankan Rupeess Exchange rate එක 110.53 කියලා, එහෙනම් US$1000ක් ගන්න රුපියල් කීයක් යනවද?

US$ to Sri Lankan Rupees Exchange rate: 110.53
අවශ්ය US$ ගනන = US$1000
US$1000 ගන්න අවශ්ය රුපියල් ගණන = 110.53 X 1000
=රුපියල් 110,530/=
දැන් මතක තියාගන්න අපිට US$1000ක් ගන්න රුපියල් 110,530 ක් ගියා. දැන් හිතන්න අපි මාස 6කට විතර පස්සෙ ආපහු ලංකාවට එනවා. කොහොම හරි අපි අර මාස 6කට කලින් අරන් ගිය US$1000ත් හම්බ කරගෙන තමයි එන්නෙ (කොහොමද කියලා නම් අහන්න එපා). ලංකාවට ආවට පස්සෙ අපි බැංකුවට ගිහින් අහනවා අද US$ to Sri Lankan rupees exchange rate එක කීයද කියලා, එතකොට බැංකුවෙන් කියනවා අද rate එක 112.72 කියලා. දැන් අපි බලමු අපේ US$1000ට රුපියල් කීයක් හම්බවෙයිද කියලා.

US$ to Sri Lankan Rupees Exchange rate: 112.72
US$ ගණන = US$1000
අපට ලැබෙන රුපියල් ගණන = 112.72 X 1000
= රුපියල් 112,720/=

දැන් අපි බලමු අපිට වාසියක් වෙලාද? නැතිනම් පාඩුවක් වෙලාද? කියලා.
අපට US$1000ට වියදම් වූ මුදල = Rs. 110,530
අපට US$1000ට ලැබුනු මුදල = Rs. 112.720

අපි ඉස්සෙල්ලා ඉගෙන ගත්තා "ලාභය = විකිණූ මිල - ගත් මිල" කියලා, එහෙනම් අපි බලමු අපිට පාඩුවක්ද, ලාභයක්ද වෙලා තියෙන්නේ කියලා.
ලාභය = 112,720 - 110,530
= රුපියල් 2,190

අපිට පේනවා අපිට රුපියල් 2,190 ලාභයක් වෙලා කියලා. ඒත් අපි මේ ගනුදෙනුව කලේ ලාභ ලැබීමට වඩා අපේ අවශ්යතාවය ඉටුකරගන්න (ඒ කියන්නේ USA යන්න අවශ්ය මුදල් ලබාගන්න හා ආපසු ලංකාවට එනකොට රුපියල් ලබාගන්න.). නමුත් මේක ලාභ ලබන්න කරන අයත් ඉන්නවා. ඒ කියන්නෙ එක Currency එකක් අරගෙන තියාගෙන ඉඳලා ඒකෙ rate එක වැඩි වුනාම විකුණලා ලාභ ගන්න අය. අන්න ඒක තමයි Forex Market එකේදි කරන්නෙ. දැන් ඔයාලට වැටහෙනවා ඇති සල්ලි විකුණලා සල්ලි හම්බ කරන්නෙ කොහොමද කියලා. කතාව මෙතනින් ඉවර නෑ, ඇත්තටම කතාව මෙතනින් තමයි පටන් ගන්නෙ.

අපි ඉස්සෙල්ලා කතා කරපු උදාහරණෙන් ඔයාලට සමහර විට හිතෙන්න ඇති මේකෙන් එච්චර සල්ලි හොයන්න බෑනෙ කියලා. මොකද අපි රුපියල් 110,530 ආයෝජනය කලා ඒත් ඒකෙන් හෙව්වෙ රුපියල් 2,190 විතරක් නිසා. ඒත් අපි ඉගෙන ගන්න යන Spot Forex මීට වඩා වෙනස් (ගොඩක් නෙවෙයි, ටිකක්.). ඒකෙ ලස්සන වචනයක් තියෙනව Leverage කියලා මේක නිසා තමයි ගොඩක් දෙනක් Forex වලට ඇදිලා එන්නේ. Leverage විතරක් නෙවෙයි තව වචන ගොඩක් තියෙනවා Pips, Lots, Mini-lots, Micro-lots, Margins. ඒවා මොනාද කියල අපි මීළඟ පාඩමෙන් ඉගෙන් ගමු.


2. Forex හා Currencies - 1
ඔයාලා මීට කලින් ලිපිය කියවලා Forex Market එක වැඩ කරන විධිහ ගැන පොඩි අවබෝධයක් ලබාගන්න ඇති කියලා මම විශ්වාස කරනවා. ඔයාලාට ප්රශ්න තියෙනවා නම් Comments Section එකේ ඒවා post කරන්න. අද එහෙනම් අපි තවත් අළුත් දේවල් ටිකක් ඉගෙන ගමු.




කලින් ලිපියේ උදාහරණයේදි අපි කතා කලේ US$ අරන් තියාගෙන ඉඳලා US$ වල rate එක වැඩි වුනාම ඒවා විකුණලා ලාභ උපයන අකාරයේ සිදුවීමක්. ඒ උදාහරණයේදි මුදල් වර්ග 2ක් භාවිතා වුනා. එකක් US$, අනිත් එක Sri Lankan rupees. Forex Market එකේදි US$ හඳුන්වන්නේ USD කියලා. ඒ වගේම Sri Lankan rupees හඳුන්වන්නේ LKR කියලා.

United State Dollar = USD
Sri Lankan Rupee = LKR

මෙතන ඉඳන් මම අදාල මුදල් වර්ගය ඒකේ කෙටි නමින් හඳුන්වන්නම්. ඔයාලා මෙතනදි තේරුම් ගන්න ඕනෑ ප්රධාන දේ තමයි, Forex trade එකකදි හැම වෙලේම මුදල් වර්ග 2ක් උපයෝගී වෙනවා කියලා. ඒ වගේම Forex වලදි rate එක පෙන්වන්නෙ පහත දැක්වෙන විධිහට.

USD/LKR = 110.53

මේකෙන් අදහස් වෙන්නේ මුලින් තියෙන මුදල් වර්ගයෙන් 1ක් ගන්න දෙවනියට තියෙන මුදල් වර්ගයෙන් කීයක් ඕනෙද කියන එක. ඒ කියන්නේ මේකෙන් අදහස් වෙන්නේ,

USD 1ක් ගන්න LKR 110.53ක් ඕනෙ කියන එක.

අපිට අදාල මුදල් වර්ග 2කේ rate එක දන්නවා නම්, ඒ මුදල් වර්ග 2 අතර ඕනෑම ගණනක් අපිට හදාගන්න පුළුවන්. අපි දැන් උදාහරණ කීපයක් බලමු.

උදාහරණ:
USD/LKR = 109.15 නම් LKR 250,000 සඳහා ලැබෙන USD ගණන කීයද?
USD ගණන = 250,000 / 109.15
= 2290.42
උත්තරය USD 2290.42


USD/LKR = 110.73 නම් USD 1340ක් සඳහා ලැබෙන LKR ගණන කීයද?
LKR ගණන =1340 X 110.73
= 148,378.20
උත්තරය LKR 148,378.20

අපි ඉගෙන ගත්ත ඒ කොටස ඔයාලට පැහැදිලි ඇති කියලා මම හිතනවා. එහෙනම් අපි ඊලඟ කොටසට යමු.

අපි අපේ උදාහරණයට USD හා LKR ගත්තත්, කියන්න කණගාටුයි අපිට Forex Market එකේදි LKR හම්බ වෙන්නෙ නෑ (සමහර විට ලොකු ඉල්ලුමක් තිබ්බොත් අනාගතයේදි අපට LKR වලිනුත් trade කරන්න පුළුවන් වේවි.). ඒකට හේතුව තමයි ලංකාව ලෝකයේ ශක්තිමත් ආර්ථිකයක් තිබෙන රටක් නොවීම. මේ ගැන වැඩි විස්තර මම ඉදිරි ලිපි වලින් කියලා දෙන්නම්. දැන් ඔයාලා බලනවා ඇති LKR නැත්නම් මොන මුදල් වලින්ද Forex Market එකේ trade කරන්නේ කියලා.

Forex ලෝකයේ ඉන්න බලවතුන් තමයි.
(1.) United State Dollar
(2.) Euro (used by European Union member countries)
(3.) Great Britain Pound
(4.) Japanese Yen
(5.) Switzerland Franc
(6.) Canadian Dollar
(7.) Australian Dollar
(8.) New Zealand Dollar

මේ 8 අතරිනුත් මුලින් තියෙන 5 තමයි ප්රධානම ඒවා. කොහොම වුනත් මේ 8ටම Major Currencies කියලා තමයි කියන්නෙ. ඔයාලට මතක ඇති මම කිව්වා Forex වලදි US$ වලට කියන්නෙ USD කියලා. මේ අකුරු 3නේ වචනය හැදිලා තියෙන්නෙ මුල් අකුරු 2න් රටේ නම කෙටියෙන් හා අන්තිම අකුරින් මුදල් වර්ගයේ හැඳින්වෙන විදිහට. ඒ ආකරයට හැම Currency එකක්ම හඳුන්වන්න නම් තියෙනවා. ඒ වගේම ඉස්සර පරණ Forex traders එක් එක් Currency එක හඳුන්වන්න දීපු ලස්සන නම් ටිකකුත් තියෙනවා. කොහොම වුනත් අපි ඒ ඔක්කොම නම් දැන්න ඉන්න එක වටිනවා. අපි ඒ මොනාද කියලා මීළඟ Blog post එකේදි බලමු.


3. Forex හා Currencies - 2
ඔයාලට මතක ඇති මම කලින් post එකේදි Major Currencies ගැන කතා කරා. අපි දැන්
බලමු Forex Market එකේදි ඒවා හඳුන්වන විධිහ.

රටේ නම මුදල් වර්ගය Forexසංකේතය කෙටි නම
United States of America Dollar USD Buck
Great Britain Pound GBP Cable
European Union Euro EUR Fiber
Japan Yen JPY Yen
Switzerland Franc CHF Swissy
Canada Dollar CAD Loonie
Australia Dollar AUD Aussie
New Zealand Dollar NZD Kiwi





ඉහත දැක්වෙන Table එකේ ඉතාමත් වැදගත් දේ තමයි "Forex සංකේතය" කියන එක. ඒ ඒ සංකේත වලින් දැක්වෙන්නේ මොන මුදල් වර්ගයද කියලා අපි කටපාඩමින් දැනගෙන ඉන්න ඕනෙ. උදාහරණයක් විදිහට කවුරු හරි ඇහුවොත් CHF කියන්නේ මොකක්ද කියලා, ඔයාලට පුළුවන් වෙන්න ඕනෙ ටක් ගාලා ඒ Swiss Franc (හෝ Switzerland Franc) කියලා කියන්න. ඒ වගේම කෙටි නම් ගැන දැනගෙන ඉන්න එකත් වැදගත්. මොකද අපි ඉදිරියේදි ඉගෙන ගන්නවා Forex News බලන්න. එතකොට සමහර Forex News දෙන ආයතන එක් එක් Currency ඒවායේ කෙටි නමින් භාවිතා කරන අවස්ථා තියෙනවා. උදාහරණයක් විදිහට යම් ආයතනයක් කියන්න පුළුවන් "Cable එකේ අගය ඉහල යමින් පවතිනවා" කියලා. එතකොට ඔයාලා දැනගන්න ඕනේ ඒ ආයතනය කතා කරන්නේ GBP එහෙමත් නැත්නම් Great British Pound ගැන කියලා.

දැන් සමහර විට ඔයාලා ගොඩ දෙනෙක් ඉවසිල්ලක් නැතුව ඇති මේක හරියටම Trade කරන්නේ කොහොමද කියලා දැන්ගන්න. පොඩ්ඩක් ඉවසන්න. අපි මේ කතා කරන තොරතුරු හරියට දන්නේ නැතුව Forex Market එකට ගියොත් ඉතින් ඔක්කොම අවුල් වෙනවා.

අපි කලින් post එකකදි ඉගෙන ගත්තා හැම වෙලේම Forex trade එකකට මුදල් වර්ග 2ක් අවශ්ය වෙනවා කියලා. එහෙනම් අපි බලමු Major Currencies වලින් හැදෙන pairs මොනාද කියලා. මෙතනදි මම "pair" එකක් කියලා කියන්නේ අපි කලින් post එකකදි ඉගෙන ගත්ත "USD/LKR" වගේ ඒවාට. එහෙනම් අපි බලමු Forex Market එකේ තියෙන pairs.

Major Currency Pairs

Pair අදාල රටවල් කෙටි නම
EUR/USD European Union/United States Euro Dollar
USD/JPY United States/Japan Dollar Yen
GBP/USD Great Britain/United States Pound Dollar
USD/CHF United States/Switzerland Dollar Swissy හෝ Dollar Franc
USD/CAD United States/Canada Dollar Loonie
AUD/USD United States/Australia Aussie Dollar
NZD/USD New Zealand/United States Kiwi Dollar

ඉහත දැක්වෙන pairs වලට කියන්නේ "Major Currency Pairs" මේකට හේතුව තමයි, මේ හැම pair එකකම ඉස්සරහින් හෝ පස්සෙන් USD තියෙන එක. USD තමයි Forex Market එකේ වැඩියෙන්ම ගනුදෙනු වන මුදල් වර්ගය. පහලින් දැක්වෙන්නේ Forex Market එකේ trade වෙන මුදල් වර්ග ඒවා trade වෙන ප්රමාණ ප්රතිශත අනුව හදපු Chart එකක්. ඒකෙන් ඔයාලට පෙනෙයි USD වලට කොච්චර demand එකක් තියෙනවද කියලා.


අපි ඉහත කතා කරපු Major Currency Pairs වලට අමතරව Forex Market එකේ trade වෙන තවත් currency pairs තියෙනවා ඒවාට අපි කියන්නේ Minor Currency Pairs හෝ Major Cross-Currency Pairs කියලා. අපි දැන් ඒ මොනාද කියලා බලමු.

Euro Crosses


Pair අදාල රටවල් කෙටි නම
EUR/CHF European Union/Switzerland Euro Swissy හෝ Euro Franc
EUR/GBP European Union/Great Britain Euro Pound
EUR/CAD European Union/Canada Euro Loonie
EUR/AUD European Union/Australia Euro Aussie
EUR/NZD European Union/New Zealand Euro Kiwi


Yen Crosses


Pair අදාල රටවල් කෙටි නම
EUR/JPY European Union/Japan Euro Yen
GBP/JPY Great Britain/Japan Pound Yen
CHF/JPY Switzerland/Japan Swissy Yen
CAD/JPY Canada/Japan Loonie Yen
AUD/JPY Australia/Japan Aussie Yen
NZD/JPY New Zealand/Japan Kiwi Yen



4. Forex හා Currencies - 3
Pound Crosses


Pair අදාල රටවල් කෙටි නම
GBP/CHF Great Britain/Switzerland Pound Swissy
GBP/AUD Great Britain/Australia Pound Aussies
GBP/CAD Great Britain/Canada Pound Loonie
GBP/NZD Great Britain/New Zealand Pound Kiwi





Other Crosses


Pair අදාල රටවල් කෙටි නම
AUD/CHF Australia/Switzerland Aussie Swissy
AUD/CAD Australia/Canada Aussie Loonie
AUD/NZD Australia/New Zealand Aussie Kiwi
CAD/CHF Canada/Switzerland Loonie Swissy
NZD/CHF New Zealand/Switzerland Kiwi Swissy
NZD/CAD New Zealand/Canada Kiwi Loonie

මේ දක්වලා තියෙන Currency pairs වලට අමතරව Major Currencies නොවන Currencies වලින් හැදුනු pairs තියෙනවා. ඒවාට අපි කියන්නේ "Exotic Pairs" කියලා. අපි Forex කරන්නේ Broker කෙනෙක් හරහා. බොහෝ Brokers ලා Major Currency Pairs හා Minor Currency Pairs (Major Cross-Currency Pairs) ඔක්කෝම වගේ අපට trade කරන්න ලබා දෙනවා. ඒත් Exotic Pairs ලබා දෙන්නේ Brokersලා කීපදෙනෙක් පමණයි. අපි බලමු Exotic Pairs කීපයක්.

Exotic Pairs

Pair අදාල රටවල් කෙටි නම
USD/HKD United States/Hong Kong -
USD/SGD United States/Singapore -
USD/ZAR United States/South Africa Dollar Rand
USD/MXN United States/Mexico Dollar Peso
USD/DKK United States/Denmark Dollar Krone
USD/SEK United States/Sweden -
USD/NOK United States/Norway -

කොහොම වුනත් ආධුනිකයෝ වශයෙන් අපට Exotic Pairs trade කරන එක එච්චර නුවණට හුරු නෑ. මොකද ඒ Exotic Pairs ගැන තොරතුරු හොයාගන්න එක ටිකක් අමාරු නිසා. අපිට මුලින්ම ඉගෙන ගන්න තියෙන්නේ "Major Currency Pairs" trade කරන්නේ කොහොමද කියන එක.

මේ pairs ඔක්කෝම ඔයාලා කට පාඩම් කරන්න අවශ්ය නෑ. ඒත් pair එකක් දැක්ක ගමන් ඒකේ අදාල Currency 2ක මොනාද කියලා ඔයාලට කියන්න පුළුවන් වෙන්න ඕනේ. ඒකට ඕනෙ කරන්නේ අපි මුලින් බලපු Major Currencies කියන table එක මතක තියාගන්න එක විතරයි.



5. Lots, Margins, Leverage හා Pips - 1
අද අපි කරන්න යන පාඩම ඉතාමත් වැදගත් එකක්. මේ පාඩමට පස්සේ අපිට practicals කරන්න පුළුවන්.



ඔයාලාට මතක ඇති අපි කලින් post එකේ කරපු පාඩම. ඒකෙදි අපි Currency pairs ගැන ඉගෙන ගත්තා. හැම වෙලේම Currency pair එකක "ඉදිරීයෙන්" තියෙන Currency එකට අපි කියන්නේ "Base Currency" කියලා. ඒ වගේම "පසුපසින්" තියෙන Currency එකට කියන්නේ "Quote Currency" කියලා. Quote Currency එක Counter Currency කියලත් හඳුන්වන්න පුළුවන්. දැන් අපි උදාහරණයක් බලමු.

EUR/USD = 1.2345 මෙම Currency Pair එකෙහි Base Currency හා Quote Currency පෙන්වන්න.
Base Currency = EUR
Quote Currency = USD

මේ කරුණු ඔයාලා හොඳින් මතක තියාගන්න ඕනෙ. අපි එහෙනම් දැන් Lots කියන්නේ මොනාද කියලා බලමු. හිතන්න අපි පොළට ගිහිල්ලා "අල" ගන්නවා කියලා එතකොට අපි අල ගන්නේ කොහොමද? ගෙඩි ගානට ද? නෑ gram (Kilo gram) ගානට. එහෙම නේද? අන්න ඒ වගේ Forex Market එකේ අපි Currencies ගන්න unit එකට කියන්නෙ "Lot" කියලා.

Lot වලට Standard Lot කියලත් කියනවා. Lot එකක් කියන්නේ හැමවෙලේම 100,000ක්. මේ 100,000 මොකක්ද කියලා ඔයාලට තව ටිකකින් තේරෙයි. grams වල Kilogram, Miligrams තියෙනවා වගේ Lots
වලත් තියෙනවා Mini-Lots, Micro-Lots හා සමහර Brokersලා ලඟ Nano-Lots කියලා.

Lot (Standard Lot) 100,000
Mini Lot 10,000
Micro Lot 1,000
Nano Lot 100

දැන් කවුරු හරි කිව්වොත් EUR Lot එකක් ගන්නවා කියලා, ඒකෙ අදහස මොකක්ද? EUR Lot එකක් ගන්නවා කියන්නේ EUR 100,000 ගන්නවා කියන එක. එතකොට EUR Mini-Lot එකක් ගන්නවා කියන්නේ EUR 10,000ක් ගන්නවා කියන එක. මම හිතනවා දැන් ඔයාලාට Lots ගැන අවබෝධයක් ඇවිත් ඇති කියලා.

අපි දැන් පොඩි උදාහරණයක් බලමු. හිතන්න EUR/USD = 1.2345 කියලා. එහෙනම් EUR Lot එකක් ගන්න USD කොච්චර ඕනෙද?

EUR/USD = 1.2345
USD amount = 1.2345 X 100,000
= 123,450

ඒ කියන්නේ EUR Lot එකක් ගන්න USD 123,450ක් ඕනෙ. ඒ කියන්නේ ආසන්න වශයෙන් LKR 12,345,000 (USD/LKR = 100 නම්) විතර. ඉතින් කාටද දෙයියනේ මෙච්චර සල්ලි තියෙන්නේ. හැබැයි බයවෙන්න එපා, මෙන්න මෙතනදි තමයි අපිට "Leverage" කියන එක ප්රයෝජනවත් වෙන්නේ.

Leverage එක සාමාන්යයෙන් Forex වලදි දක්වන්නේ 100:1, 200:1 හෝ 400:1 ආදි වශයෙන්. අපි දැන් බලමු මේකෙ තේරුම මොකක්ද කියලා. 100:1 කියන එකේ අදහස තමයි, 100ක trade එකක් open කරන්න අවශ්ය වෙන්නේ 1ක් කියන එක. මේක අපි උදාහරණයකින් බලමු.

Leverage එක 100:1 නම් හා EUR/USD = 1.2345 නම් EUR Lot එකක් ගන්න අවශ්ය වන USD ගණන කීයද?
EUR/USD = 1.2345
Lot එකකට යන USD ගණන = 1.2345 X 100,000
= 123,450
Leverage එක 100:1 නිසා, USD = 123,450 / 100
ඒ නිසා උත්තරය වෙන්නේ 1,234.50

100:1 Leverage එක නිසා අපිට EUR Lot එකක්ම (ඒ කියන්නේ EUR 100,000ක් ම) ගන්න අපිට යන්නේ USD 1,234.50. දැන් අපි තවත් උදාහරණයක් බලමු.

Leverage එක 200:1 නම් හා EUR/CHF = 1.3006 නම් EUR Mini-Lot එකක් ගන්න අවශ්ය වන CHF ගණන කීයද?
EUR/CHF = 1.3006
Mini-Lot එකකට යන CHF ගණන = 1.3006 X 10,000
=13,006
Leverage එක 200:1 නිසා, CHF = 13,006 / 200
ඒ නිසා උත්තරය වෙන්නේ 65.03

ඒ කියන්නේ 200:1 Leverage එක නිසා අපිට EUR Mini-Lot එකක් (ඒ කියන්නේ EUR 10,000ක් ම) ගන්න අපිට යන්නේ CHF 65.03. මේ පාඩම තේරුම් ගැනීම ඉතාමත් වැදගත්. ඒ නිසා මේකේ නොතේරුනු තැනක් තියෙනවා නම් අනිවාර්යෙන්ම Comments section එක හරහා අහන්න.



6. Lots, Margins, Leverage හා Pips - 2
අපි කලින් post එකේදි Lots හා Leverage ගැන කතා කළා. අද අපි බලමු Margin හා Pips කියන්නේ මොනාද කියලා.

Leverage ගැන කතා කරද්දි අපි දැනගත්තා Leverage එක දක්වන්නේ 200:1, 100:1 හෝ 50:1 යන ආකාරයට කියලා. Leverage එකක් එක්ක trade කරන එකට තමයි Margin Trading කියලා කියන්නේ. ඇත්තටම Margin කියලා කියන්නේ හරියට deposit එකක් වගේ, ඒ කියන්නේ සමහර උපකරණ අපි කුලියට ගද්දි අපිට පොඩි මුදලක් ඒ ආයතනයේ තියන්න වෙනවා. මේකත් ඒ වගේ එකක්.




Leverage එක 100:1 නම් Margin එක 1%
Leverage එක 200:1 නම් Margin එක 0.5%
Leverage එක 400:1 නම් Margin එක 0.25%
Leverage එක 50:1 නම් Margin එක 2%

මේක හොඳට බැලුවොත් ඔයාලට තේරෙයි 100:1 කියන අනුපාතය ප්රතිශතයක් විධිහට දක්වලා 1% කියන අගය ඇවිල්ලා තියෙනවා කියලා. මේක වෙන්නේ මෙහෙමයි. Forex trade කරන්න අපි Broker කෙනෙක් හරහා Forex account එකක් open කරගන්නවනේ, ඊට පස්සේ හිතන්න අපි trade එකක් කරා කියලා. හිතන්න අපි EUR/USD Mini-Lot එකක් Buy කරා කියලා. අපිට ඒ Mini-Lot එක ගන්න USD ගානක් යනවනේ. Margin එක 1% නම් අපිට යන්නේ ඒ USD ගණනින් 1%. ඒ 1% අපේ Forex account එකෙන් අඩුවෙනවා. ඒක අපිට ආපහු ලැබෙන්නේ trade එක close කරාම. දැන් අපි උදාහරණයක් බලමු.

Margin එක 1% හා EUR/USD=1.2453 නම් EUR Mini-Lot එකක් මිලදී ගැනීමට අවශ්ය USD ගණන?

EUR/USD = 1.2453
EUR Mini-Lot = EUR 10,000
Margin එක 1% නිසා Mini-Lot එකකට අවශ්ය EUR ගණන = 10,000 X 1%
=10,000 X (1/100)
= 100
එම නිසා අවශ්ය USD ගණන = 100 X 1.2453
= 124.53


ඉහත උදාහරණයේ විධිහට අපේ account එකෙන් USD 124.53ක් අඩුවෙනවා. ඒ USD 124.53 අපිට ආපහු ලැබෙන්නේ ඒ trade එක close කරාම. ඒ කියන්නේ අපේ Forex account එකේ USD 1000ක් තිබුනා නම්, මේ trade එකට පස්සේ account balance එක USD 875.47 (1000-124.53) වෙනවා. මේ කරුණු ඔයාලට පැහැදිලි ඇති කියලා මම හිතනවා. පැහැදිලි නැතිනම් අනිවාර්්යයෙන්ම අහන්න.

දැන් අපි බලමු Pips කියන්නේ මොනාද කියලා.

Pip එකක් කියලා අපි හඳුන් වන්නේ Currency pair එකක 4 වැනි දශමස්ථානයේ වෙනසකට (JPY තියෙන Currency pair වල විතරක් මේක 2 වැනි දශමස්ථානය). හිතන්න EUR/USD = 1.2453 කියලා, ටික වෙලාවකට පස්සේ EUR/USD = 1.2457 වෙනවා. මේ දෙක අතර වෙනස කීයද? 0.0004 මේ 4 තමයි අපි Pips කියලා හඳුන්වන්නේ. ඒ කියන්නේ මේ උදාහරණයේදි EUR/USD rate එක Pip 4කින් වැඩිවෙලා කියන එක. JPY Base currency හෝ Quote currency විධිහට තියෙන Currency pairs හැර අනික් සෑම Currency pair එකකම 4 වැනි දශමස්ථානයේ වෙනසක් Pip විධිහට හඳුන්වනවා. එතකොට JPY ඉස්සරහින් හෝ පස්සෙන් තියෙන Currency pairs වල Pip එකක් කියලා කියන්නේ 2 වැනි දශමස්ථානයේ වෙනසකට. අපි දාහරණ කීපයක් බලමු, එතකොට ඔයාලට මේක පහසුවෙන් තේරුම් ගන්න පුළුවන්.

EUR/USD = 1.4351, විනාඩි කීපයකට පසු EUR/USD = 1.4359 නම් Pips ගණන කීයද?
Pips = 1.4359 - 1.4351 = 0.0008
ඒ කියන්නේ EUR/USD price එක Pips 8 කින් වැඩි වෙලා.

EUR/USD = 1.2453, Pips 20කින් අගය අඩුවුනි නම්, දැන් EUR/USD අගය කීයද?
EUR/USD = 1.2453 - 0.0020= 1.2433
ඒ කියන්නේ දැන් EUR/USD price එක = 1.2433

EUR/USD = 1.4351, විනාඩි කීපයකට පසු EUR/USD = 1.4345 නම් Pips ගණන කීයද?
Pips = 1.4345 - 1.4351 = -0.0006
ඒ කියන්නේ EUR/USD price එක Pips 6කින් අඩු වෙලා.

GBP/JPY = 130.70, ටික වේලාවකට පසු GBP/JPY = 130.75 නම් Pips ගණන කීයද?
Pips = 130.75 - 130.70 = 0.05
ඒ කියන්නේ GBP/JPY price එක Pips 5 කින් වැඩි වෙලා.

මේ කරුණු තේරුම් ගන්න එක ඉතාමත් වැදගත් ඒ නිසා ප්රශ්න තියෙනවා නම් කෙලින්ම අහන්න.



7. Lots, Margins, Leverage හා Pips - 3

ආ මට කියන්න අමතක වුනා Pip කියන නම හැදුනේ කොහොමද කියලා. Pip කියලා කියන්නේ Price Interest Point කියන එක. කලින් Blog post එකේදි අපි ඉගෙන ගත්තා Pip එකක් කියන්නේ JPY තියෙන Currency pairs වල 2 වැනි දශමස්ථානය හා අනිකුත් Currency pairs වල 4 වැනි දශමස්ථානය කියලා. හැබැයි දැන් ගොඩාක් Broker ලා prices quote කරද්දී JPY pairs දශමස්ථාන 3 කින් හා අනිකුත් Currency pairs වල price එක දශමස්ථාන 5 කිනුත් පෙන්වනවා. මේ 5වැනි (JPY pairs වල 3 වැනි) දශමස්ථානයට කියන්නේ Pipette එකක් කියලා. Pipette එකක් කියන්නේ Pip එකකින් 1/10ක්. උදාහරණයක් ගත්තොත් EUR/USD price එක 1.21505 සිට 1.21507 දක්වා වැඩි වුනා කියන්නේ EUR/USD price එක Pipette 1කින් වැඩි වුනා, එහෙමත් නැත්නම් Pip 0.1කින් වැඩිවුනා කියන එක. මේ Pipette කියන එක හොඳට තේරුම් ගන්න එක ඉතාමත් වැදගත් මොකද ගොඩක් වෙලාවට ආධුනික tradersලා මේක පටලවා ගන්නවා. ඒ ගොල්ලෝ හිතනවා දශමස්ථාන 5ක් තියෙද්දි 5වැනි දශමස්ථනය තමයි Pip එකක් කියන්නේ කියලා. අපි උදාහරණයක් බලමු.

GBP/JPY = 130.573, පැයකට පසු GBP/JPY = 130.568 නම් prices 2ක අතර වෙනස කොපමණද?
වෙනස (Pips ගණන) = 130.568 - 130.573 = -0.005
එම නිසා උත්තරය වෙන්නේ -0.5 Pips හෝ -5 Pipettes

EUR/USD = 1.26157, ටික වේලාවකට පසු EUR/USD = 1.26169 නම් prices 2ක අතර වෙනස කොපමණද?
වෙනස (Pips ගණන) = 1.26169 - 1.26157 = 0.00012
ඒ නිසා උත්තරය වෙන්නේ 1.2 Pips හෝ 12 Pipettes

අපි Forex Market එකේදි බොහෝ දුරට භාවිතා කරන්නේ Pips. Pipettes වැදගත් වෙන්නේ ඉතාමත් විශාල මුදල් ප්රමාණයක් ආයෝජනය කරලා trade කරන ලොකු Forex tradersලාට.

මම හිතනවා දැන් ඔයාලට Lots, Margins, Leverage, Pips හා Pipettes ගැන අවබෝධයක් ඇවිත් ඇති කියලා. පැහැදිලි නැති තැනක් තියෙනවා නම් Comments section එක හරහා ඔයාලගෙ ප්රශ්න එවන්න.



8. කොහොමද අපි මේ Forex Market එකේ trade කරන්නේ?

ඇත්තම කිව්වොත් අපිට තව theory ඉගෙන ගන්න තියෙනවා. ඒත් මම දිගටම theory කරන්න ගත්තොත් ඔයාලට මේක හොඳටම boring වෙයි. මම දන්නවා ඔයාලා ඉවසිල්ලක් නැතුව බලාගෙන ඇති මේක කරන්නේ කොහොමද කියලා දැන ගන්න.

Forex Market එකේ පහසුවෙන් සල්ලි හොයන්න පුළුවන් කියන්නේ ඇයි දන්නවද? Forex Market එකේ trade කරන්න අපිට අවශ්ය වෙන්නේ Computer (දැන් නම් අළුත් phones වලිනුත් trade කරන්න පුළුවන්) එකක්, Internet හා Telephone එකක් විතරයි. ඇත්තටම මේ ටික විතරක් නෙවෙයි Forex ගැන හොඳ දැනුමකුත් ඕනෙ. ඒත් හිතන්න අපි වෙන මොනා හරි Business එකක් පටන් ගත්තා කියලා, ඒ Business එක සාර්ථක කරගන්න Business දැනුමට අමතරව අපිට තව කොච්චර මහන්සි වෙන්න වෙනවාද? ඒ කරදර මොනවත් Forex වල නෑ. Forex වල තියෙන එකම කරදරය තමයි මේක හරියට ඉගෙන ගන්න එක. කමක් නෑ කොහොම හරි අපි මේක ඉගෙන ගන්න පටන් අරන්නේ තියෙන්නේ. බය නැතුව අපි ඉස්සරහටම යමු.






අපි Forex trade කරන්නේ Broker කෙනෙක් හරහා. මේ ගැන ඔයාල දැනටමත් දන්නවා ඇති. Brokerලත් විවිධ වර්ගයේ අය ඉන්නවා. අපි ඒ ගැන පසුව කතා කරමු. Forex Market එකේ තියෙන ලොකුම වාසිය තමයි Forex Market එකේ ඉන්න Brokersලා හැමදෙනාම වගේ එයාලාගේ clients ලට ඒ කියන්නේ අපිට Demo accounts open කරන්න ලබාදෙනවා.

දැන් සමහර විට ඔයාලට ප්රශ්නයක් ඇතිවෙයි මේ Demo accounts කියන්නේ මොනාද කියලා. Demo account එකක් කියලා කියන්නෙත් Forex Market එකේ trade කරන්න පුළුවන් Account එකක් ඒ වුනත් වෙනස තමයි මේකෙදි අපි ඇත්ත සල්ලි පාවිච්චි කරන්නේ නැති එක. Forex අළුතින් ඉගෙන ගන්න අයට මේ Demo account කියන එක ඉතාමත් වැදගත්. මොකද අපිට Demo account එකක් open කරගෙන අතේ තියෙන සල්ලි ටික නැති කරගන්නේ නැතුව Forex Market එකේ trade කරන හැටි ඉගෙන ගන්න පුළුවන් නිසා. අපි මීළඟ post එකෙන් බලමු Demo account එකක් open කරගන්නේ කොහොමද කියලා.



9. කොහොමද Demo Account එකක් open කරගන්නේ?
Forex Market එකේ trade කරන්න පාවිච්චි කරන්න පුළුවන් softwares ගොඩක් තියෙනවා. බොහොමයක් ලොකු Forex Brokersලා ඒ ගොල්ලන්ගෙම softwares අපිට ලබාදෙනවා trade කරන්න. කොහොම වුනත් අපි පාවිච්චි කරන්න යන්නේ "Metatrader" කියන software එක. මේ software එකේ version 4 තමයි අපි පාවිච්චි කරන්නේ. ඒකට හේතුව තමයි මේ software එකට අපිට පහසුවෙන් Indicators (Indicators කියන්නේ මොනාද කියලා මම ඉස්සරහට ඔයාලාට කියලා දෙනවා.) හොයාගන්න පුළුවන්. ඒ වගේම ගොඩාක් දෙනෙක් පාවිච්චි කරන්නේ මේ software එක. අපි මේ Demo account එක open කරන්න යන්නේ "Easy Forex" කියන Forex Broker එකක්. මේ ගොල්ලෝ prices quote කරන්නේ දශමස්ථාන 4කින් (JPY pairs දශමස්ථාන 2කින්). පස්සේ අපි දශමස්ථාන 5කින් (JPY pairs දශමස්ථාන 3කින්) පෙන්වන Broker කෙනෙක් එක්කත් account එකක් open කරමු. එහෙනම් අපි Easy Forex එක්ක Demo account එකක් open කරමු.

1. මුලින්ම http://en.easy-forex.com/evo/Int/home.aspx වෙබ් අඩවියට පිවිසෙන්න.






2. ඊට පස්සේ "Trading Platforms" කියන heading ගාවට mouse cursor එක අරන් යන්න. එතකොට තවත් sub menu එකක් එනවා. ඒකෙන් "MT4" කියන එක click කරන්න.



3. දැන් එතන තියෙන "Download Now" කියන button එක click කරන්න. එතකොට "mt4setup.exe" කියලා file එකක් save කරන්න හෝ run කරන්න අහයි.

4. ඔයාල ඒ file එක run කලා නම් Metatrader 4 software එක install වෙන්න පටන් ගනී. ඔයාලා ඒ file එක hard disk එකට save කලා නම්, ඒ file එක හොයලා run කරන්න එතකොට Metatrader 4 software එක ඔයාලගේ computer එකට install වෙනවා. Installation එකේදී settings මොනවත් change කරන්න අවශ්ය නෑ
next කර කර යන්න තියෙන්නේ.


5. අන්තිමට finish button එක click කරන්න. එතකොට ඔයාලට පහත දැක්වෙන screen shot එකට සමාන එකක් එන්න ඕනෙ.





6. ඔයාලට "Open an Account" කියන dialog box එක පේන්නේ නැත්නම්, Metatrader 4 software එකේ file menu එකට ගිහිල්ලා "Open an Account" කියන එක click කරන්න.



7. දැන් තියෙන්නේ "Open an Account" කියන dialog box එකේ ඉල්ලලා තියෙන details enter කරන එක. මේක Demo Account එකක් හින්දා ඇත්ත details enter කරන්න අවශ්ය නෑ. ඔයාලට ඕනෙ නම් ඔයාලගෙ ඇත්ත විස්තර ඇතුලත් කරන්න. හැබැයි මේකේ අන්තිම details 3 ඉතාමත් වැදගත්. ඒ කියන්නේ Account type, Leverage හා Deposit කියන ඒවා.

Account type: Forex-usd
Leverage: 1:100
Deposit: 3000

විදිහට select කරන්න. අපි Account type එක USD විදිහට select කරන්නේ අපිට ඉදිරියේ දි ඉගෙන ගන්න තියෙන theory පහසුවෙන් තේරුම් ගන්න පුළුවන් වෙන නිසා. ඔයාලා සමහර විට බලයි, Deposit කියන field එකේ 50,000 තියෙද්දි අපි 3,000 select කරන්නේ ඇයි කියලා. මේකට හේතුව තමයි අපි අඩු ගණනකින් account එකේ trade කරලා පුරුදු වුනාම අපි real account එකක trade කරන්න යන කොට trade කරන්න ඕනෙ Lots ගණන් වරදින්නේ නෑ. මොකද අපිට එක පාරට USD 50,000 දාලා ඇත්ත account එකක trade කරන්න යන එක ඇඟට ගුණ නෑ.




8. දැන් ඊට පස්සේ එන dialog box එකේ තියෙන Login, Password කියන විස්තර කොහේ හරි ලියලා තියාගන්න. ඊළඟට Finish button එක click කරන්න.

9. සමහර විට ඔයාලට පහත දැක්වෙන ආකාරයේ dialog box එකක් දකින්න ලැබෙයි. එහෙම වුනොත් ඒකේ Start කියන button එක click කරන්න.



ඒකෙන් කරන්නේ Metatrader 4 software එක update කරන එක.

10. Update කරලා ඉවර වෙලා software එක restart කරාට පස්සේ පහත දැක්වෙන ආකාරයේ රූප රාමුවක් ඔයාලගේ screen එකේ තියෙන්න ඕනෙ.



එහෙනම් Metatrader ගැන වැඩි විස්තර ඊළඟ post එකෙන් ඉගෙන ගමු. ප්රශ්න තියෙනවා නම් අහන්න අමතක කරන්න එපා.



10. Metatrader එක ගැන - 1







අපි මේකේ කොටසින් කොටස අරන් බලමු ඒ මොනාද කියලා.


ඔයාලට පේනවා ඇති ඉහත දැක්වෙන රූපයේ රතු පාට කොටුවකින් mark කරලා තියෙන ප්රදේශය. ඒකේ තමයි එක් එක් Currency Pairs වල rate (price) එක දැක්වෙන්නේ. අපි කලින් post එකකදි කතාකරපු Currency Pairs ඔක්කොම වගේ මෙතන තියෙනවා නේද? ඒකේ දකුණු පැත්තේ තියෙන scroll bar එක භාවිතා කරලා අපිට ඒකේ තියෙන අනික් Currency pairs වල prices බලන්න පුළුවන්. ඒ කොටුවේ උඩම Symbol, Bid හා Ask කියලා තියෙනවා නේද? Symbol කියන එක නම් ඔයාලට තේරෙනවා නෙ. ඒත් ඔයාලා බලයි prices (rates) 2ක් තියෙන්නේ මොකද කියලා. ඒ ගැන සම්පූර්ණ විස්තරය මම ඊළඟ theory පාඩමෙන් කියලා දෙනවා (එතකන් චුට්ටක් ඉවසන්න). ඒ කොටුවේ උඩම ඔයාලට පෙනෙයි Market Watch කියලා එකක්, ඒකෙන් දැක්වෙන්නේ අපි පාවිච්චි කරන broker ඉන්න රටේ දැන් වෙලාව. ඒ කියන්නේ Easy forex brokerට අනුව දැන් වෙලාව තමයි එතන තියෙන්නේ. දැන් ඔයාලා මොකක් හරි Currency pair එකක් උඩ click කරන්න. (උදාහරණයක් විදිහට EURUSD pair එක උඩ click කරන්න.) ඊට පස්සේ ඔයාලට පේනවා නේද ඒ කොටුවේ පල්ලෙහා තියෙනවා Symbols, Tick Chart කියලා tabs 2ක්, ඒ 2කෙන් දැනට select වෙලා තියෙන්නේ Symbols කියන එකනේ. දැන් ඔයාලා ඒකේ Tick Chart කියන එක click කරන්න.


ඒකේ පොඩි ප්රස්තාරයක් වගේ එකක් පේනවා නේද? ඒක දිහා ටිකක් වෙලා බලාගෙන ඉන්න ඒතකොට ඔයාලට පෙනෙයි ඒකේ අගය ඉහල, පහල යනවා. (හැබැයි එහෙම වෙන්නේ සතියේ දවස් වල විතරයි. මොකද Forex Market එක වැඩ කරන්නේ සතියේ දවස් වල විතරක් නිසා. මේ ගැන වැඩි විස්තර ඉදිරියේදි theory පාඩමකින් මම කියලා දෙනවා.) ඔයාලට මතකද දන්නේ නෑ මම කලින් පාඩමක කිව්වා Currency pair එකක rate එක තත්පරෙන් තත්පරේ වෙනස් වෙනවා කියලා. මම එහෙම කිව්වේ මෙන්න මේ ගැන තමයි. දැන් ඔයාලට තේරෙනවා නේද Currency pairs වල prices කොච්චර ඉක්මනට වෙනස් වෙනවද කියලා. දැන් ආපහු Symbols කියන tab එක click කරලා වෙන Currency pair එකක් select කරලා Tick Chart එකට යන්න. ඔයාලට පෙනෙයි. හැම Currency pair එකක්ම එකම ගානට ඉක්මනින් වෙනස් වෙන්නේ නෑ කියලා. එක එක Currency pairs වල prices වෙනස් වෙන්නේ එක එක විදිහට.



දැන් ඉහත රූපයේ රතු පාට රවුම් වලින් දැක්වෙන් X marks වල click කරලා charts ඔක්කොම Metatrader එකෙන් අයින් කරන්න. (බය වෙන්න එපා අපි ඒවා අපහු ගන්න හැටි ඉගෙන ගන්නවා.) දැන් අපි අර ඉස්සෙල්ල බලපු Currency pairs වල prices තියෙන කොටුවට ගිහිල්ලා EURUSD currency pair එක උඩ "right click" කරන්න.



දැන් එතනින් 2වෙනියට තියෙන "Chart Window" කියන එක් select කරන්න. එතකොට පහත රූපයේ දැක්වෙන ආකරයේ screen එකක් ඔයාලාට පෙනෙයි.




ඊට පස්සේ ඒ chart එක තියෙන කොටුවේ තියෙන Maximize button එක click කරලා chart එක Maximize කරගන්න.



දැන් ඒ රූපයේ නිල් පාට රවුමකින් සටහන් කරලා තියෙන ප්රදේශය බලන්න. එතන EURUSD,H1 කියලා තියෙනවා ඒ වගේම ඊට පස්සේ මොනාද ඉලක්කම් වගයක් තියෙනවා එහෙම නේද? EURUSD කියන එකෙන් අපිට අඳුරගන්න පුළුවන් මේක EUR/USD chart එකක් කියලා. H1 කියන එකේ තේරුමයි, අර ඉලක්කම් වල තේරුමයි මම charts ගැන කරන blog post එකේදි කියලා දෙන්නම්. කහ පාට රවුමකින් සලකුණු කරලා තියෙන්නේ Currency pair එකේ rate එක ඒ කියන්නේ, පහල ඉඳන් ඉහලට අගයන් වැඩිවන පිළිවෙලට තමයි දක්වලා තියෙන්නේ. රතු පාට රවුමකින් සලකුණු කරලා තියෙන්නේ කාලය (Time) මොකක්ද මේ කාලය කියලා මම charts ගැන පාඩමේ දි හරියටම පැහැදිලි කරන්නම්.

ඔයාලා දැන් chart එකේ මුල හරියේ click කරලා ඊතලයෙන් දැක්වෙන පැත්තට drag කරලා බලන්න. එතකොට අපිට Currency pair එකේ (ඒ කියන්නේ EUR/USD) කලින් rates දැන ගන්න පුළුවන්.


දැන් ඔයාලා කොළපාට රවුමකින් සළකුණු කරලා තියෙන buttons ඔබලා බලන්න මොනාද වෙන්නේ කියලා. ඒවා ගැන වැඩි විස්තර ඉදිරීයේ දී. අනිත් Currency pairs වලත් charts අරගෙන බලන්න. ඒ වගේම ප්රශ්න තියෙනවා නම් අහන්න.



11. Pips ගැන තවදුරටත් - 1

අද අපි theory ටිකක් කරමු. එතකොට ඉක්මනටම අපිට අපේ පළවෙනි trade එක කරන්න පුළුවන්. ඔයාලට මතක ඇති අපි කලින් පාඩමකින් Pips, Pipettes කියන්නේ මොනාද කියලා ඉගෙන ගත්තා. අද අපි බලමු අපි Forex trade කරද්දී මේ Pips වැදගත් වෙන්නේ කොහොමද කියලා. සමහර විට ඔයාලා Forex trading ගැන තියෙන අනිකුත් websites වලට බලලා ඇති. එහෙම ඔයාලා ගිහින් තියෙනවා නම් සමහර විට ඔයාලා අහල ඇති සමහර Forex traders ලා කියනවා, "අද Pips 100ක් ගත්තා" එහෙමත් නැත්නම් "මේ මාසේ මම Pips 742ක් ගත්තා", "අද trade එකෙන් Pips 57 loss (-57) වුනා" ආදි වශයෙන්. කවුරු හරි එහෙම කිව්වොත් ඔයාලා මොකක්ද තේරුම් ගන්නේ? අද පාඩමට පස්සේ ඔයාලාට මේ ගැන හොඳ අවබෝධයක් ලැබෙයි.



කවුරු හරි Pips ගණනකින් එයාගේ ලාභය හෝ අලාභය කිව්වොත් එයාට මුදලින් වෙච්ච ලාභය හෝ අලාභය දැන ගන්න අපි Pip එකක වටිනාකම දැනගෙන ඉන්න ඕනෙ. එහෙනම් අපි පොඩි ගනන් ටිකක් හදලා බලමු.

හිතන්න EUR/USD = 1.2345 කියලා එහෙනම් EUR/USD Pip එකක වටිනාකම කීයද?
Pip එකක් කියන්නේ 4 වැනි දශමස්ථානයේ වෙනසක් නිසා,
Pip එකේ වටිනාකම EUR වලින් = 0.0001 / 1.2345
= 0.0000810044552
අපි ගමු උත්තරය 0.000081 කියලා. හැබැයි හොඳට මතක තියාගන්න මේ උත්තරය ආවේ EUR වලින් කියලා.

දැන් EUR/USD = 1.2345 කියන rate එකට Pip එකක වටිනාකම අපි EUR වලින් හොයාගත්තානේ. හැබැයි ඒක බොහෝම පොඩි අගයක්නේ කියලා ඔයාල බලයි. ඒ rate එක එහෙම එන්නේ අපි බැලුවේ EUR 1ක් මිලදී ගත්තොත් එන Pip එකක වටිනාකමනෙ. ඔයාලට මතක ඇති මම කිව්වා අපි Forex වලදී currencies මිලදී ගන්නේ හෝ විකුණන්නේ Lots වලින් කියලා. එහෙනම් අපි බලමු EUR Lot එකක් ගත්තා නම් අපිට ලැබෙන Pip එකක වටිනාකම කීයද කියලා.

EUR/USD = 1.2345,
EUR 1ක් මිලදී ගැනීමේ දී ලැබෙන Pip එකක වටිනාකම = 0.000081
එමනිසා EUR Lot එකක් මිලදී ගතහොත් ලැබෙන Pip එකක වටිනාකම = 0.000081 X 100,000
= EUR 8.1

දැන් අපි බලමු උදාහරණයක්. අපි හිතමු අපි EUR/USD rate එක 1.2345 වෙලා තියෙද්දී EUR Lot එකක් මිලදී ගත්තා කියලා, පස්සේ EUR/USD rate එක 1.2352 දක්වා ඉහල යනවා එතකොට අපිට ලැබිලා තියෙන්නේ ලාභයක්ද, අලාභයක්ද?

EUR/USD = 1.2345 හා පසුව EUR/USD = 1.2352
ලභය හෝ අලාභය Pips වලින් = 1.2352 - 1.2345 = 0.0007
ඒ කියන්නේ ලාභය Pips 7ක්
අපි trade එක close කරන price එක EUR/USD = 1.2352
trade එක close කරන විට Pip එකක වටිනාකම = 0.0001/1.2352
= 0.00008095
අපි EUR lot එකක් ගත් නිසා Pip එකක වටිනාකම = 0.00008095 X 100,000
= EUR 8.095
ඒ නිසා අපේ ලාභය EUR වලින් = 8.095 X 7
= EUR 56.67

අපි ඒ උදාහරණය ගැන තව ටිකක් බලමු. අපි ඒ උදාහරණයේදී බැලුවේ EUR/USD rate එක 1.2345 වෙලා තියෙද්දී අපි EUR Lot එකක් ඒ කියන්නේ EUR 100,000ක් මිලදී ගන්නවා. ඊට පස්සේ EUR/USD rate එක Pip 7කින් ඉහල යනවා. එතකොට අපිට ලැබුනු ලාභය තමයි EUR 56.67. දැන් බලන්න අපි EUR 100,000ක් මිලදී අරන් rate එක Pip 7කින් ඉහල ගියාම අපි EUR 56.67ක ලාභයක් හොයලා. ROI (Return on the Investment) එක එහෙමත් නැත්නම් "ආයෝජනය කල මුදලට ලැබුනු ප්රතිලාභය" මදි වගේ නේද? ඔයාලට Leverage එක ගැන අමතක වුනා නේද? අපිට අපේ Broker 100:1 Leverage එකක් දෙනවා නම් EUR 100,000 ක් ගන්න අපිට යන්නේ EUR 1000ක් විතරයි. 1000කින් 56.67ක් හොයනවා කියන්නේ සෑහෙන්න හොඳයි නේද? ඔයාල කලින් පාඩමේ විදිහට Tick Chart එක දිහා බලන් හිටියා නම් ඔයාලට තේරුම්යයි EUR/USD pair එකේ Pips 7ක වෙනසක් වෙන්න වැඩි වෙලාවක් යන්නේ නෑ කියලා.

ඔයාල හොඳට මතක තියාගන්න හැම වෙලේම Pip එකේ වටිනාකම හොයන්න ගන්නේ අන්තිම price එක, ඒ කියන්නේ අපි trade එක close කරන price එක. ඉහත උදාහරණයෙන් ඒක පැහැදිලි වෙන්න ඇති කියලා මම හිතනවා, මොකද ඒ උදාහරණයේදී මම Pip වටිනාකම ගණනය කරන්න යොදාගත්තේ 1.2352 කියන rate එක.

අපි Forex broker කෙනෙක් එක්ක account එකක් open කරද්දී අපේ account එකේ ප්රධාන currency එක විදිහට මොකක් හරි currency එකක් තෝරගන්න ඕනෙ. ඔයාලට මතක ඇති අපි අපේ Demo account එක open කරද්දී අපි ඒකේ ප්රධාන currency එක විදිහට තෝරගත්තේ USD.

අපි අපේ account currency එක විදිහට USD select කරපු හින්දා හැම වෙලේම අපේ account එකේ ලාභය හෝ අලාභය (Profit or Loss) පෙන්වන්නේ USD වලින්. දැන් අපිට ඉස්සෙල්ලා උදාහරණයේ profit එක ආවේ EUR වලින් ඒ කියන්නේ EUR 56.67ක්. ඒක USD වලට පරිවර්තනය වුනාම USD ගණන කීයද? ඔයාලට පුළුවන්ද ඒක හොයන්න. ඒ ගණන හදන්න අපි පාවිච්චි කරන්නේ අපි trade එක close කරපු price එක. ඒ කියන්නේ 1.2352 කියන price එක. එතකොට අපි බලමු profit එක USD වලින්,

Profit in USD = EUR 56.67 X 1.2352
= USD 69.998
ඒ කියන්නේ වැටයීමෙන් පසු USD 70

මේකේ මොකුත් අමුත්තක් ඔයාලට පේනවද? හරි මම ඔයාලව වැඩිය වටේ යවන්නේ නැතුව මමම කියන්නම්, අපේ Forex account එකේ currency එක USD නම් currency pairs වල USD 2වැනියට (ඒ කියන්නේ USD quote currency විදිහට) තියෙන හැම currency pair එකකම Pip 1ක වටිනාකම USD 0.0001. ඒ කියන්නේ EUR/USD, GBP/USD, AUD/USD currency pairs 3ම USD 2වැනියට තියෙන නිසා අපිට Pips ගණනයි Lots ගණනයි දන්නවා නම් පහසුවෙන්ම (Calculator එකක් නැතුවම) profit එක හෝ loss එක ගණනය කරන්න පුළුවන්. අපි කලින් උදාහරණය නැවතත් බලමු, හැබැයි මේ පාර අපි profit එක ලේසි විදිහකට ගණනය කරමු.

අපි EUR Lot එකක් මිලදී ගෙන Pips 7ක profit එකක් ලැබුවා නම් එම profit එක USD වලින්,
Profit in USD = (Pip value) X (No. of Pips) X (Currency Units)
= 0.0001 X 7 X 100,000
= 70

ඒ ක්රමය ගොඩාක් ලේසී නේද? තවත් දෙයක් මම කියලා දෙන්නම්, Forex account එකේ currency එක USD නම් හා අපි trade කරන currency pair එක EUR/USD, GBP/USD හෝ AUD/USD නම්,

Currency Units Value of a pip in USD
1 Lot (100,000) 10
1 Mini Lot (10,000) 1
1 Micro Lot (1,000) 0.1
1 Nano Lot (100) 0.01

3 Mini Lots (30,000) 1X3 = 3
4.5 Lots (450,000) 4.5X10 = 45
අනිත් currency pairs ගැන මීළඟ ලිපීයෙන් බලමු. ප්රශ්න ආවොත් අනිවාර්්යයෙන්ම අහන්න.



12. Pips ගැන තවදුරටත් - 2

අපි කලින් පාඩමේදි ඉගෙන ගත්තා අපේ forex account එකේ ප්රධාන currency එක USD නම් USD quote currency එක විදිහට එහෙමත් නැත්නම් USD 2 වැනියට තියෙන currency pairs වල Pip එකක වටිනාකම හොයාගන්න හැටි. අපි හොයාගත්තා ඒක USD 0.0001ක් කියලා. ඒ කියන්නේ rate එක කීය වුනත් එක Pip එකකට USD 0.0001 ගානේ අපි මිලදී අරගෙන තියෙන currency units ගණනට අපිට profit හෝ loss එකක් ලැබෙනවා.

දැන අපි බලමු USD base currency එක විදිහට එහෙමත් නැත්නම් USD ඉදිරියෙන් තියෙන currency pairs වල Pip එකක වටිනාකම ලබාගන්නේ කොහොමද කියලා. අපි ඉස්සෙල්ලාම බලමු USD/JPY pair එක.

USD/JPY = 83.45 නම් අදාල currency pair එකේ Pip එකක වටිනාකම සොයන්න,
Pip එකක වටිනාකම (JPY pairs වල Pip එකක් දැක්වෙන්න 2වැනි දශමස්ථානයෙන් බැවින්),
= 0.01 / 83.45
= 0.0001198
මෙතනදි උත්තරය එන්නේ USD වලින් , ඒ කියන්නේ උත්තරය USD 0.0001198
අපි USD/JPY = 83.45 rate එකට Lot එකක් මිලදී ගත්තා නම් Pip එකක වටිනාකම,
= 0.0001198 X 100,000
= USD 11.98






USD/JPY = 100.43 නම් අදාල currency pair එකේ Pip එකක වටිනාකම සොයන්න,
Pip එකක වටිනාකම (JPY pairs වල Pip එකක් දැක්වෙන්න 2වැනි දශමස්ථානයෙන් බැවින්),
= 0.01 / 100.43
= 0.00009957
මෙතනදි උත්තරය එන්නේ USD වලින් , ඒ කියන්නේ උත්තරය USD 0.00009957
අපි USD/JPY = 100.43 rate එකට Lot එකක් මිලදී ගත්තා නම් Pip එකක වටිනාකම,
= 0.00009957 X 100,000
= USD 9.96

ඔයාලට පේනවා නේද USD quote currency එක විදිහට තියෙන pairs වගේ නෙවෙයි, USD base currency එක විදිහට තියෙන pairs වල Pip වටිනාකම rate එකත් එක්ක වෙනස් වෙනවා. ඒ නිසා USD quote currency එක විදිහට තියෙන pairs වගේ නෙවෙයි, අනිත් currency pairs වල Pip වටිනාකම අපි ගණන් හදලා බලලම ගන්න ඕනෙ. හැබැයි මේක මෙහෙම වෙන්නේ අපේ account එක USD වලින් තියෙන හින්දා, නිකමට හිතන්න අපේ forex account එක CHF වලින් තිබ්බා කියලා, එතකොට මොකද වෙන්නේ. එතකොට CHF quote currency එක විදිහට තියෙන හැම currency pair එකකම, rate එකක් කීය වුනත් Pip එකක වටිනාකම CHF 0.0001 . අනිත් pairs වල pip වටිනාකම rate එකත් එක්ක වෙනස් වෙනවා. අපි තව උදාහරණයක් බලමු.

USD/JPY = 99.35 දී අපි Mini-Lot එකක් මිලට ගෙන Pip 20කට පසු trade එක close කලා නම් අපගේ profit එක කීයද?
මිලදී ගැනීමේදී rate එක = 99.35
Pip 20කට පසු rate එක = 99.35 + 0.20 (JPY pairs වල Pip දැක්වෙන්නේ 2 වැනි දශමස්ථානයෙන් නිසා.)
= 99.55
Pip එකක වටිනාකම = 0.01 / 99.55
= USD 0.00010045
එම නිසා profit එක = 0.00010045 X 20 X 10,000
= USD 20.09

දැන් ඒ කරුණු ටික පැහැදිලි ඇති කියලා මම හිතනවා. පැහැදිලි නැති තැනක් තියෙනවා නම් අහන්න. USD base currency එක විදිහට තියෙන currency pairs තමයි USD/CHF, USD/JPY, USD/CAD වගේ ඒවා.

ඒවා ඔක්කොම හරි කියමුකෝ හදිස්සියේවත් අපිට EUR/GBP වගේ pair එකක් trade කරන්න හිතුනොත් මොකද වෙන්නේ? ඒකේ එක පැත්තකවත් USD නෑනෙ. මේ වගේ වෙලාවක Pip වටිනාකම හොයන්න අපිට EUR/GBP rate එක වගේම, currency pairs එකේ quote currency එක හා අපේ account currency එක තියෙන currency pair එකේ rate එකත් දැනගෙන ඉන්න ඕනෙ. ඒ කියන්නේ අපි EUR/GBP rate එක වගේම GBP/USD rate එකත් දැනගෙන ඉන්න ඕනෙ (මොකද අපේ account currency එක USD නිසා.). නැත්නම් අපිට Pip වටිනාකම හොයන්න විදිහක් නෑ. එහෙනම් අපි උදාහරණයක් බලමු.

EUR/GBP = 0.8465 දී Mini-lot එකක් මිලට ගෙන Pip 10ක් ලබාගත් පසු trade එක close කලා නම්
profit එක හොයන්න, trade එක close කරන විට GBP/USD = 1.6001,

Pip එකක වටිනාකම GBP වලින් = 0.0001
(අපි Pip එකක වටිනාකම EUR වලින් හොයන්න, 0.0001/0.8465 භාවිතා කරනවා. ඒත් මෙතනදී එහෙම අවශ්ය නෑ.)
Pip එකක වටිනාකම USD වලින් = 0.0001 X 1.6001
= 0.00016001
එම නිසා profit එක USD වලින් = 0.00016001 X 10 X 10000
= 16

අපි තව වෙනස් උදාහරණයක් බලමු.

EUR/JPY = 113.04 දී Lot එකක් මිලට ගෙන Pip 15ක් ලබාගත් පසු trade එක close කලා නම්
profit එක හොයන්න, trade එක close කරන විට USD/JPY = 83.45
Pip එකක වටිනාකම JPY වලින් = 0.01
Pip එකක වටිනාකම USD වලින් = 0.01 / 83.45
= 0.0001198
එම නිසා profit එක USD වලින් = 0.0001198 X 15 X 100,000
= 179.70

ඉහට උදාහරණ දෙක පැහැදිලි ඇති කියලා මම හිතනවා. මේ ගණන් අපි අතින් හදන්න ඕනෙ නෑ Metatrader එකේ මේවා ඔක්කෝම automatically calculate වෙනවා. දැන් ඔයාල බලයි එහෙනම් මොන මඟුලකටද මෙච්චර වෙලා මේවා කිව්වේ කියලා. අපි Forex වලට invest කරන්න යන්නේ මහන්සියෙන් හම්බ කරපු සල්ලි නිසා මේකේ profit හෝ loss ගණනය කරන විදිහ අපි හොඳටම දැනගෙන ඉන්න ඕනෙ. ඔයාලා දැන් ඔයාලම එක එක currency pairs වල එක එක rates හිතලා ගණන් හදලා බලන්න. ආපු උත්තර හරිද කියලා බලන්න මම පොඩි tool එකක් දෙන්නම්.

ඔයාලට http://fxtrade.oanda.com/account/profit-calculator/ ගිහිල්ලා ඒ tool එකට යන්න පුළුවන්.



මේකේ Account Currency කියන එක ඔයාලට තේරෙනවනේ. Currency Pair කියන එකෙන් අදාල currency pair එක select කරන්න. Current Price (USD/USD) කියන එකට මොනවත් දාන්න ඕනෙ නෑ ඒක තියෙන්නේ USD base currency එකවත් quote currency එකවත් නොවන pairs වල profit calculate කරන කොට පාවිච්චි කරන්න. Trade Price කියන එකට අපි මිලදී ගන්න rate එක දාන්න. Action කියන එක Buy/Long කියන position එකේම තියන්න. (Sell/Short ගැන අපි ඊළඟ පාඩමෙන් ඉගෙන ගන්නවා.) Number of Units කියන තැනට අපි ගන්න currency units ගණන දාන්න ඕනෙ. ඒ කියන්නේ උදාහරණයක් විදිහට අපි Lot එකක් ගන්නවා නම් Number of Units කියන තැනට අපි 100000 දාන්න ඕනේ. Mini-Lot එකක් ගන්නවා නම් එතනට 10000 දාන්න ඕනෙ. ඊට පස්සේ Closing Price කියන එකට අපි trade එක close කරන rate (price) එක දාන්න. ඊට පස්සේ Calculate කියන button එක click කරාම අපිට අපේ profit එක හෝ loss එක USD වලින් පෙන්වනවා.




අපි EUR/JPY වගේ pair එකක් select කලොත් Current Price (JPY/USD) කියන තැනට අදාල rate එක දාන්න ඕනෙ. සාමන්යයෙන් JPY හා USD අතර rate එක දක්වන්නේ USD/JPY විදිහට නිසා අපිට JPY/USD rate එක හොයන්න පොඩි calculation එකක් කරන්න වෙනවා.

JPY/USD = 1 / (USD/JPY)
ඒ කියන්නේ USD/JPY rate එක 85.77 නම්,
JPY/USD rate එක = 1 / 85.77
= 0.011659


13. Bid, Ask හා Buy, Sell orders - 1

මේ පාඩමට පස්සේ ගොඩාක් දුරට අපි practicals පැත්ත තමයි කරන්නේ. ඒ හින්දා මේ පාඩමත් ඔයාලා හොඳට අවබෝධ කරගන්න ඕනෙ.

ඔයාලට මතක ඇති අපි Metatrader එකේ බලද්දි Currency Pairs වල rates තිබ්බ කොටුවේ එක් Currency Pair එකකට rates (prices) 2ක ගානෙ තිබ්බා. එකක් "Bid" කියලා. අනිත් එක "Ask" කියලා. ඒ මොකක්ද කියලා මම පස්සේ කියලා දෙන්නම් කිව්වනේ. අද අපි බලමු ඒ මොනාද කියලා.

ඔයාලා දැකලා ඇති බැංකුවකින් Currency Exchange Rate එක් දක්වද්දී rates 2ක් දක්වනවා. "ගැනුම් මිල" හා "විකිණුම් මිල" වශයෙන්. අන්න ඒක තමයි මේ Bid හා Ask කියලා කියන්නේ. Bid කියන්නේ "ගැනුම් මිල" හා Ask කියන්නේ "විකිණුම් මිල". හැබැයි මෙතන ගැනුම් මිල කියන්නේ අපි ගන්න මිල නෙවෙයි Broker අපෙන් ගන්න මිල හා විකිණුම් මිල කියන්නේ Broker අපිට විකුණන මිල. හැමවෙලේම Ask එකේ අගය Bid එකේ අගයට වඩා වැඩී. Bid හා Ask අතර වෙනසට කියන්නේ Spread කියලා. Stock Market (Share Market) එකේ වගේ Forex Market එකේ Brokerලා Commission එකක් ගන්නේ නෑ. Forex brokerලාගේ ලාභය තමයි මේ Spread එක. Spread එක සාමාන්යයෙන් අපි දක්වන්නේ Pips වලින්. අපි පොඩි උදාහරණයක් බලමු.






EUR/USD = 1.3551/1.3554 නම් Spread එක කීයද?
Bid හා Ask අතර වෙනස Pips වලින් = 1.3554 - 1.3551
= 0.003
= Pips 3
එම නිසා Spread එක = 3 Pips

එක් එක් Currency pairs වල Spread එක වෙනස් වෙනවා. සාමාන්යයෙන් අඩුම Spread එකක් තියෙන Currency pairs තමයි EUR/USD, USD/JPY වගේ ඒවා. GBP/JPY වගේ pairs වල Spread එක බොහොම වැඩී. ඔයාලට පුළුවන් Metatrader එකේ Currency pairs වල rates දැක්වෙන කොටුවට ගිහිල්ලා එක් එක් Currency pairs වල Spread එකක් කීයද කියලා ගණනය කරලා බලන්න. මේ Spreads Broker ගෙන් Brokerටත් වෙනස් වෙනවා. අපි හැමවෙලේම බලන්න ඕනෙ Spread එක අඩුම Broker කෙනෙක් තෝරගන්න. මොකද Spread එක කියන්නේ අපට සිදුවන වියදමක් නිසා. ඒ වගේම ආධුනිකයෝ වශයෙන් අපි trade කරන්න ඉගෙන ගන්න කොට Low spread එකක් තියෙන Currency pairs trade කරන එක තමයි නුවණට හුරු.

Stock Market එකේ අපි කොටස් මිලදී ගත්තොත් අපිට profit ලැබෙන්නේ අපි මිලදී ගත් කොටස් වල වටිනාකම ඉහල ගියොත් විතරයි. හැබැයි Forex Market එකේ Currency Pairs එකක Currency 2ක් තියෙන නිසා අපිට දෙපැත්තටම trade කරන්න පුළුවන්. අපි බලමු ඒ කොහොමද කියලා.

හිතන්න අපි උදාහරණයකට EUR/USD Currency pair එක ගත්තා කියලා. මේ Currency pair එකේ වෙනස්කමක් සිදුවෙන්න පුළුවන් ක්රම 2ක් තියෙනවා. එකක් EUR වටිනාකම USD වලට සාපේක්ෂව ඉහල යන්න පුළුවන්. ඒ වගේම අනිත් එක තමයි, USD වල වටිනාකම EUR වලට සාපේක්ෂව ඉහල යන්න පුළුවන්.

අපි EUR වල අගය ඉහල යයි කියලා හිතනවා නම් අපි EUR/USD pair එකේ "Buy Order" එකක් දානවා. Buy Order එකට කියන තවත් නමක් තමයි "Long" කියන එක. EUR/USD Long කරනවා කියන්නේ අපි EUR/USD Buy order එකක් දානවා කියන එකම තමයි. හැමවෙලේම අපි Currency pair එකක් Buy (Long) කරද්දී Ask කියන rate එක තමයි අපට ලැබෙන්නේ. මොකද ඒක තමයි අපේ Borker Currency pair එක විකුණන මිල.

අපි USD වල අගය ඉහල යයි කියලා හිතනවා නම් (ඒ කියන්නේ EUR වල අගය පහල යයි කියලා හිතනවා නම්) අපි EUR/USD pair එකේ "Sell Order" එකක් කරනවා. Sell Order එකට කියන තවත් නමක් තමයි "Short" කියන එක. EUR/USD Short කරනවා කියන්නේ EUR/USD pair එකේ Sell Order එකක් කරනවා කියන එක. හැමවෙලේම අපි Currency pair එකක් Sell (Short) කරද්දී Bid කියන rate එක තමයි ලැබෙන්නේ මොකද ඒක තමයි අපේ Broker අපෙන් Currency pair එකක් ගන්න මිල.

අපි Buy Order එකක් කලා කියන්නේ ඒ Order එක close කරන්න අපි කරපු දේ ප්රතිවිරුද්ධ දේ කරන්න ඕනෙ. ඒ කියන්නේ අපි Buy කරා නම් trade එක close කරන්න අපි ඒක Sell කරන්න ඕනෙ. ඒ වගේම අපි Sell කරා නම් trade එක close කරන්න අපි ඒක ආයෙත් Buy කරන්න ඕනෙ. හැබැයි මේක Metatrader එකේ automatically වෙනවා. ඒ කියන්නේ අපිට තියෙන්නේ අපි කැමති Currency pair එක Buy හෝ Sell කරන එක ඊට පස්සේ අපිට trade එක close කරන්න විතරයි තියෙන්නේ. Metatrader එකෙන් Sell orders, Buy කරලත් Buy orders, Sell කරලත් අදාල විදිහට close කරනවා. මම මේක ඔයාලට කිව්වේ මෙතන තවත් වැදගත් දෙයක් තියෙන හින්දා. ඒ තමයි. අපි හැමවෙලේම,

Buy order එකක් open කරන්නේ Ask කියන rate එකෙන් හැබැයි ඒක close කරන්නේ Bid කියන rate එකෙන්
Sell order එකක් open කරන්නේ Bid කියන rate එකෙන් හැබැයි ඒක close කරන්නේ Ask කියන rate එකෙන්

මේක හොඳට තේරුම් ගන්න එක ඉතාමත් වැදගත්. මොකද බොහෝමයක් ආධුනික tradersලා මේක තේරුම් ගන්නේ නැතුව Brokersලා හොරු කියලා කෑගහනවා. ඒ ඇයි කියලා මම ඊළඟ Charts පාඩමේදි කියලා දෙන්නම්.

එහෙනම් දැන් අපි මෙච්චර දවස් ඉගෙන ගත්ත ඔක්කොම දැනුම භාවිතා කරලා බලමු Metatrader එකේ trade එකක් කරද්දී ඒක වෙන්නේ කොහොමද කියලා.

අපි ඉස්සෙල්ලාම බලමු. EUR/USD pair එක. අපි Leverage එක 100:1 කියලා ගමු. ඒ වගේම අපේ account currency එක USD විදිහට ගමු. (මෙතන ඉදලා හැමවෙලේම අපි අපේ Account currency එක විදිහට USD ගමු.)

EUR/USD = 1.2757/1.2759 (1.2757 Bid price එක හා 1.2759 කියන්නේ Ask price එක) විටදී අපි Buy order එකක් කරනවා currency Mini-Lot එකක්. දැන් ඔයාලට ගණන හදන්න පුළුවන් වෙන්න ඕනෙ. Buy order එකක් නිසා Ask rate එක තමයි ගන්නේ. ඒ කියන්නේ 1.2759 කියන rate එක.

EUR min-lot එකක් ඒ කියන්නේ 10,000ක් ගන්න අවශ්ය USD ගණන වෙන්නේ,
USD = 10,000 X 1.2759
= 12,759
Leverage එක 100:1 නිසා = 12,759 / 100
= USD 127.59

දැන් මේ USD 127.59 අපේ account balance එකෙන් අඩුවෙනවා ඒක ආපහු ලබෙන්නේ අපි trade එක close කරාට පස්සේ විතරයි. (මේ ගැන වැඩි විස්තර ඉදිරි ලිපිවලින්) හොඳට මතක තියාගන්න අපේ account එකෙන් USD 127.59ක් අඩු වුනාට දැන් අපි ගාව EUR 10,000ක් තියෙනවා. මේ EUR 10,000 අපි ගාව තියෙනවා කිව්වට අපිට ඒක ගන්න බෑ. මේක හරියට virtual money වගේ, අපිට හිතන්න පුළුවන් අපි ඒ EUR 10,000 බැංකුවේ දාලා කියලා. ඒ වගේම මතක තියාගන්න අපිට ඒ EUR 10,000 (Mini-Lot) එක ගන්න USD 12,759ක් ගියා. හැබැයි Broker අපෙන් ගත්තේ ඒ ගණනෙන් 1%. Leverage එක100:1 හින්දා. හරියටම කිව්වොත් අපි මුලු ගණනින් 1%ක් දාලා තියෙනවා, Broker 99%ක් දාලා තියෙනවා.

දැන් හිතන්න පැය කීපයකට පසුව rate එක EUR/USD 1.2768/1.2770 දක්වා ඉහල ගියා කියලා. අපි ඒ price එකේදි trade එක close කරා කියලා හිතන්න. දැන් අපේ EUR 10,000ට USD කීයක් ලැබෙනවද කියලා බලමු. මතකනේ මම ඉස්සෙල්ලා කිව්වා Buy Order එක close කරද්දී අපි පාවිච්චි කරන්නේ Bid කියන rate එක කියලා. ඒ නිසා අපිට ලැබෙන USD ගණන වෙන්නේ,

USD ගණන = 10,000 X 1.2768
= 12,768

දැන් අපිට profit එක හරි loss එක හරි කීයද කියලා බලන්න පුළුවන්. EUR 10,000ක් ගන්න අපිට USD 12,759ක් ගියා (Leverage එක හින්දා අපි Broker ට දුන්නේ USD 127.59ක් විතරයි.) පස්සේ අපි ඒ EUR 10,000 විකිණුවාම USD 12,768ක් ලැබුනා. ඒ කියන්නේ අපිට වෙලා තියෙන්නේ ලාභයක් නේද?

Profit in USD = 12,768 - 12,759
= USD 9

ඒ කියන්නේ අපේ ලාභය USD 9ක්. අපිට ආපු උත්තරය නිවැරදිද කියලා බලන්න තව ක්රමයක් තියෙනවා. මතකද අපි කලින් පාඩමක කරපු Pip එකක වටිනාකම හොයලා කරන ක්රමය. අපි බලමු ඒ විදිහට ගණන හදලා, උත්තර 2ක සමාන වෙනවද කියලා.

ඒක අපි මීළඟ පාඩමේදි බලමු.



14. Bid, Ask හා Buy, Sell orders -2
කලින් පාඩමේ අපි අන්තිමට කරන්න ගියේ Pip වටිනාකම බලලා ඒකෙන් අපේ profit එක ගණනය කරන එකනේ. එහෙනම් අපි ඒක බලමු.

EUR/USD = 1.2757/1.2759 දී Buy Order එක කරලා EUR/USD = 1.2768/1.2770 trade එක close කලා
ගත් මිල (Buy order එකක් නිසා Ask price එක) = 1.2759
trade එක close කල මිල (Buy order එක close කරන විට Bid price එක නිසා) = 1.2768
profit එක Pips වලින් = 1.2768 - 1.2759 = 0.0009 = Pips 9
Account currency එක USD නම් USD quote currency වන pairs වල Pip එකක් අගය = USD 0.0001
එම නිසා profit එක = 9 X 10,000 X 0.0001
= USD 9

උත්තර 2කම සමානයි නේද?






මට එක දෙයක් කියන්න බැරිවුනා, Buy order එකක් කලාම profit ගන්න අපි Buy order එක close කරන කොට currency pair එකේ price එක අපි Buy order එක දාපු වෙලාවෙදි තිබුනු price එකට වඩා වැඩිවෙන්න ඕනෙ. හදිස්සියේවත් price එක අඩුවෙලා තිබුනොත් ඒක අපිට loss එකක් වෙනවා.

ඒ වගේම Sell Order එකක් කලාම profit ගන්න අපි Sell order එක close කරන කොට currency pair එකේ price එක අපි Sell order එක දාපු වෙලාවෙදි තිබුනු price එකට වඩා අඩුවෙන්න ඕනෙ. වැරදිලාවත් price එක වැඩිවුනොත් ඒක අපිට loss එකක් වෙනවා.

දැන් අපි බලමු Sell Order එක වැඩ කරන විදිහ. මේක වැඩ කරන විදිහ තේරුම් ගන්න ටිකක් අමාරුයි. හැබැයි Pip වලින් ගණන් හදන හැටි පුරුදු වුනාට පස්සේ profit, loss ලේසියෙන්ම ගණනය කරගන්න පුළුවන්.

EUR/USD = 1.4325/1.4328 විටදී අපි Sell order එකක් කරනවා currency Mini-lot එකක්. Sell order එකක් නිසා Bid rate එක ඒ කියන්නේ 1.4325 කියන rate එක තමයි අපි පාවිච්චි කරන්නේ. දැන් අපි EUR sell කරන්න ගියාට අපි ගාව EUR නෑනෙ. අපේ account currency එක USD නිසා අපි ගාව තියෙන්නේ USD විතරයි. මෙතනදී වෙන්නේ දැන් rate එකට අදාලව EUR mini-lot එකක්, ඒ කියන්නේ 10,000ක් ගන්න යන USD ගණන අපේ account balance එකෙන් අඩුවෙන එක. ඒ කියන්නේ හරියට අපි EUR mini-lot එකක් අරන් විකුණලා USD ගත්තා වගේ. දැන් අපි බලමු EUR mini-lot එකක් ගන්න USD කීයක් යනවද කියලා.

EUR mini-lot එකට අවශ්ය USD ගණන = 1.4325 X 10,000
= 14,325
Leverage එක 100:1 නිසා = 14,325 / 100
= USD 143.25

දැන් මේ USD 143.25 අපේ account balance එකෙන් අඩුවෙනවා. හැබැයි දැන් මතක තියාගන්න අපි EUR 10,000ක් විකුණලා ගත්ත USD 14,325ක් අපි ගාව තියෙනවා. දැන් හිතන්න පැය කීපයකට පසුව rate එක EUR/USD=1.4305/1.4308 දක්වා පහල ගියා කියලා අපි ඒ price එකේදි trade එක close කරා කියලා හිතන්න. දැන් අපේ EUR 10,000ක් දීල ගත්ත USD 14,325ට අපිට ආපහු EUR කීයක් ලැබෙනවද කියලා බලමු. (මතකනේ මම කිව්වා Sell order එකක් කලාම ඒක close කරන්න ආපහු Buy කරන්න ඕනෙ කියලා.)

EUR/USD = 1.4305/1.4308 Sell order එකක් නිසා close කරද්දී ගන්නේ Ask price එක
ඒ නිසා USD 14,325 ට ලැබෙන EUR ගණන = 14,325 / 1.4308
= EUR 10,011.88
අපිට ලැබුනු profit එක EUR වලින් = 10,011.88 - 10,000
= EUR 11.88
අපි බලමු අපේ profit එක USD වලින් = 11.88 X 1.4308
= USD 16.99
ඒ කියන්නේ උත්තරය = USD 17

දැන් අපි මේක Pips වල වටිනාකම හොයලා උත්තරය ගන්න ක්රමයට හදලා බලමු.

EUR/USD = 1.4325/1.4328 හා පසුව EUR/USD = 1.4305/1.4308
Sell order එක open කල price එක = 1.4325
Sell order එක close කල price එක = 1.4308
Sell order එකක් නිසා ලබාගත් Pips ගණන ගණනය කරන්න trade එක open කරපු price එකෙන් trade එක close කරපු price එක අඩු කරන්න ඕනෙ.
= 1.4325 - 1.4308
= 0.0017
Pips ගණන = Pips 17
account currency එක USD හා EUR/USD වල quote currency එක USD නිසා
profit එක = 0.0001 X 17 X 10,000
= USD 17
උත්තරය හරි නේද? මම ඇත්තටම කැමතී තව උදාහරණ කීපයක් හදලා පෙන්වන්න විශේෂයෙන් USD/CHF වගේ Currency pair එකක් එක්ක. ඒත් පෙනෙන විදිහට ගොඩක් දෙනෙක් කැමති ඉක්මනට charts පැත්තට යන්න. ඒ හින්දා මම ඊළඟ පාඩමේදී ආපහු Metatrader එකට බහිනවා. ඔයාලට මේකෙ තේරෙන්නේ නැති තැනක් තියෙනවා නම් හෝ තව උදාහරණ කීපයක් බලන්න කැමති නම් මට කියන්න එතකොට අනිත් පාඩම් අතරේ මම ඒවත් දාන්නම්.



15. Metatrader එක ගැන - 2
මෙන්න එහෙනම් ඔයාලා ඉවසිල්ලක් නැතුව බලාගෙන හිටපු lessons ටික. අපි Metatrader එකේ කලින් නවත්තපු තැනේ ඉඳලා පටන් ගමු.

එහෙනම් දැන් ඉස්සෙල්ලාම Metatrader එකේ තියෙන ඔක්කොම charts close කරලා EUR/USD chart එක ගන්න. ඊට පස්සේ ඒක maximize කරගන්න. මතක නැතිනම් 10 වැනි පාඩම බලන්න.







ඉස්සෙල්ලාම අපි බලමු රතු හා කොල පාට රවුම් වලින් සටහන් කරලා තියෙන buttons මොනාද කියලා. රතු පාට රවුමෙන් සටහන් කරලා තියෙන button එකට කියන්නේ Auto Scroll කියලා මේකෙන් කරන්නේ අළුත් data ආපු ගමන් chart එක update කරන එක. මේකෙන් හරියටම මොකක්ද වෙන්නේ කියලා බලන්න ක්රමයක් තියෙනවා. Chart එකේ වම් අත පැත්තේ click කරලා දකුණු අත පැත්තට drag කරන්න (හැබැයි මෙහෙම කරද්දී Auto Scroll කියන Button එක එබිලා තියෙන්න ඕනෙ.) මේ විදිහට දෙතුන් පාරක් කරන්න. දැන් ටිකක් වෙලා chart එක දිහා බලාගෙන ඉන්න. අළුත් data ආපු ගමන් chart එක අගට යනවා නේද? ඒ හින්දා අපි සාමාන්යයෙන් chart history එක එහෙමත් නැතිනම් chart එකේ වම් අත පැත්තේ තියෙන data බලන්න ඕනෙ නම් අපි Auto Scroll කියන button එක uncheck කරලා තමයි තියන්නේ. මොකද නැත්නම් අළුත් data ආපු ගමන් chart එකේ අගට යනවානෙ.

දැන් Auto Scroll කියන button එක uncheck කරන්න. ඊට පස්සේ කොලපාට රවුමෙන් සටහන් කරලා තියෙන Chart Shift කියන button එක click කරලා බලන්න. ඒ button එක පාවිච්චි කරලා අපිට හැමවෙලේම chart එකේ අගට එක පාරටම යන්න පුළුවන්. මේ button දෙකෙන් වෙනදේ පැහැදිලි ඇති කියලා මම හිතනවා. එහෙනම් අපි අනිත් ඒවා මොනාද කියලා බලමු.



මේකෙ 4 හා 5 buttons වලින් වෙනදේ ඔයාලට දැනටමත් දන්නවා ඇති. මොකද 10 වැනි පාඩමේදි ඔයාලා ඒවා click කරලා බැලුවනේ. කොහොම වුනත් 4 button එකෙන් වෙන්නේ chart එක ලොකු කරන එක හා 5 button එකෙන් වෙන්නේ chart එක පොඩි කරන එක. දැන් අපි 5 button එක දිගටම click කරමු. ටික වෙලාවක් click කරපුවාම ඒ button එක අළුපාට වෙලා disable වෙනවා නේද?

දැන් 1 button එක ඔබලා 4 button එක හතර පාරක් click කරන්න. ඊට පස්සේ chart එක දෙපැත්තටම drag කරලා බලන්න. ඔයාල බලයි මොනාද මේ කූරු වගයක් තියෙන්නේ කියලා. මේකට කියන්නේ Bar Chart කියලා. මේ chart එකේ එක කූරකින් දත්ත 4ක් පෙන්වනවා. ඔයාලා බලයි මොනාද ඒ තොරතුරු කියලා ඒවා ඊළඟ පාඩමට. දැනට දැන ගන්න මේකට කියන්නේ Bar Chart කියලා අපි මේ chart එක වැඩිය පාවිච්චි කරන්නේ නෑ මොකද මේක ටිකක් තේරුම් ගන්න අපහසු නිසා. හැබැයි සමහර පලපුරුදු Forex tradersලා මේ chart එකට කැමති.


ඊළඟට 3 button එක click කරන්න. එතකොට හරියට අර ඉස්පිරිතාලෙ heart එක check කරන machine එකේ වගේ එකක් එනවා නේද? මේකට කියන්නේ Line Chart කියලා මේකත් අධුනිකයෝ වශයෙන් අපි වැඩිය පාවිච්චි කරන්නේ නෑ. අනිත් එක මේකේ Bar chart එකේ වගේ දත්ත 4ක් පෙන්වන්නෙත් නෑ.


දැන් අපි 2 button එක click කරමු. දැන් ටිකක් අමුතු chart එකක් ආවා නේද? ඔයාලා ඉස්කෝලෙ යන කාලේ කවදාවත් මේවගේ chart එකක් දැකලා තියෙනවද? මම හිතන්නේ නෑ. මේ chart එකට අපි කියෙන්නේ Candlestick chart කියලා. මේකේ ඔය තියෙන පෙට්ටියක් වගේ එකකට කියන්නේ Candle එකක් කියලා. මේ Candle එකකිනුත් කලින් අපි කතා කරපු Bar chart එකේ වගේ තොරතුරු 4ක් පෙන්වනවා. ඒ වගේම මේ chart එක තේරුම් ගන්න ටිකක් ලේසී. අපි ඉස්සරහට දිගටම ඉගෙන ගන්න යන්නේ මෙන්න මේ Candlestick chart කියන chart එක.


එහෙනම අපි මීළඟ post එකේ ඉඳලා Candlestick charts ගැන ඉගෙන ගමු.



16. Candlestick charts - 1
එහෙනම් අපි Cadlestick charts ගැන ඉගෙන ගන්න පටන් ගමු. ඔයාලට මතකද අපි Metatrader එක ගැන මුලින්ම කරපු post එකේ එක් එක් currency pairs වලට අදාල tick charts බැලුවා. ඒක හරියට Line chart එකක් වගේ නේද?



හැබැයි මේ chart එකෙන් අපිට Currency pairs එකේ price movement එක ගැන වැඩි අදහසක් ගන්න බෑ. මොකද මේක data එන එන පාරට points හැදිලා chart එක හැදෙන නිසා. ඒ නිසා Forex tradersලා මේ price data තේරුම් ගැනීමේ පහසුව සඳහා හොයාගත්ත එක්තරා chart එකක් තමයි මේ Candlestick chart කියලා කියන්නේ. දැන් ඔයාලා දන්නවානේ Candlestick chart එක ගන්න විදිහ.




දැන් EUR/USD pair එකේ Candlestick chart එක screen එකට අරගෙන ඔයාලට candles හොඳට පේන විදිහට Zoom In button එක පාවිච්චි කරලා ලොකු කරගන්න. Candlestick chart වල හැම candle එකක්ම සම්පුර්ණවෙන්න යන නිශ්චිත කාලයක් තියෙනවා. ඒ කාලය තමයි මම පහත රූපසටහනේ රතුපාට රවුමකින් සටහන් කරලා තියෙන්නේ.



ඒකෙ තියෙන්නේ H1 කියලා නේද? මේකේ තේරුම තමයි මේ chart එකේ දැක්වෙන හැම candle එකක්ම හැදෙන්න "පැයක්" යනවා කියන එක. තවත් විදිහකින් කියනවා නම් එක candle එකක් ඇතුලේ පැයක් ඇතුලත වෙනස් වෙච්ච price data තියෙනවා.

දැන් ඔයාලා M1, M5, M15, M30, H4, D1, W1, MN කියන buttons click කරලා බලන්න මොකද වෙන්නේ කියලා. Chart එකේ හැඩය ටික ටික වෙනස් වෙනවා නේද?

M1 - කියන්නේ හැම candle එකකින්ම විනාඩියක් ඇතුලත වෙච්ච price data වල වෙනස්වීම පෙන්වනවා
M5 - කියන්නේ හැම candle එකකින්ම විනාඩි 5ක් ඇතුලත වෙච්ච price data වල වෙනස්වීම පෙන්වනවා
M15 - කියන්නේ හැම candle එකකින්ම විනාඩි 15ක් ඇතුලත වෙච්ච price data වල වෙනස්වීම පෙන්වනවා
M30 - කියන්නේ හැම candle එකකින්ම විනාඩි 30ක් ඇතුලත වෙච්ච price data වල වෙනස්වීම පෙන්වනවා
H1 - කියන්නේ පැයක් ඇතුලත වෙච්ච් price data වල වෙනස්වීම
H4 - කියන්නේ පැය 4ක් ඇතුලත වෙච්ච price data වල වෙනස්වීම
D1 - කියන්නේ දවසක් ඇතුලත වෙච්ච price data වල වෙනස්වීම
W1 - කියන්නේ සතියක් ඇතුලත වෙච්ච් price data වල වෙනස්වීම
MN - කියන්නේ මාසයක් ඇතුලත වෙච්ච price data වල වෙනස්වීම

උදාහරණයක් විදිහට අපි MN කියන chart එක ගත්තොත් ඒකේ එක candle එකක් සම්පූර්ණවෙන්න මාසයක් යනවා. මාසයක් ඇතුලත වෙච්ච price movement එක ඒක ඇතුලේ ගැබ් වෙලා තියෙනවා.

තාමත් හරියටම පැහැදිලි නැතිනම් බයවෙන්න එපා. මුලින් මේක ටිකක් අමාරුයි තමයි ඒත් දිගටම කියවන්න එතකොට පැහැදිලිවෙයි. ඒත් පැහැදිලි නැති තැන් තියෙනවා නම් Comment section එක හරහා අහන්න.

දැන් H1 කියන chart එක select කරගන්න. මේ chart එකේ ඔයාලට පේන්න ඇති ප්රධාන වශයෙන් candles ජාති 2ක් තියෙනවා. එකක කඳ කළුපාටයි, අනිත් එකේ කඳ සුදු පාටයි. මේ chart එකේ විදිහට සුදු පාට candle එකෙන් පෙන්වන්නේ "පැය" පටන් ගද්දී තිබනු price එකට වඩා පැය ඉවර වෙද්දී price එක අඩුවෙලා කියන එක. ඒ වගේම කළුපාට candle එකෙන් පෙන්වන්නේ "පැය" පටන් ගද්දී තිබුනු price එකට වඩා පැය ඉවර වෙද්දී price එක වැඩි වෙලා කියන එක.




රූපසටහන ඔයාලට පේනවා නේද? මේ chart එකේ විදිහට කළුපාට candle එකකට අපි කියන්නේ Bull candle කියලා. ඒ වගේම සුදුපාට candle එකකට අපි කියන්නේ Bear candle කියලා. මේ chart එකේ විදිහට කියලා මම කිව්වේ මොකද දන්නවද, Metatrader එකේ charts වල පාට අපිට වෙනස් කරන්න පුළුවන්. ඒ කියන්නේ අපිට ඕනෙ නම් Bull candle වලට සුදුපාට දාලා Bear candles වලට කළුපාටට පේන විදිහට chart එක හදන්න පුළුවන්. හැබැයි සාමන්යයෙන් සම්මත ක්රමය තමයි Bull candles කොල පාටටත් Bear candles රතු පාටටත් තියන එක. ඒක කරන්නේ කොහොමද කියලා මම පස්සේ කියලා දෙන්නම්. ඉස්සෙල්ලා අපි candles ගැන පොඩි study පාරක් දාමු.


Candles වල Open price එකයි Close price එකයි අතර කෑල්ලට අපි කියන්නේ Candle body කියලා. අර කූරු වගේ Body එක දෙපැත්තේ තියෙන ඒවාට කියන්නේ Shadow එහෙමත් නැතිනම් Wick කියලා. හැබැයි මතක තියාගන්න candles හැම වෙලේම මේ විදිහටම තියෙන්නේ නෑ. ඔයාලා පොඩ්ඩක් chart එක එහෙට මෙහෙට drag කරලා බලන්න එතකොට තේරෙයි සමහර candles වල Body නෑ, තවත් සමහර candles වල wicks නෑ, තවත් සමහර candles වල wicks තියෙන්නේ එක පැත්තක විතරයි. ඔය වගේ එක එක ජාතියේ candles තියෙනවා.

මේ candles ගැන අපි ඉගෙන ගන්න එක වැදගත් මොකද මේ candles දිහා බලලා අපිට currency pair එකේ price එක අඩුවෙයිද, එහෙමත් නැත්නම් වැඩිවෙයිද කියලා දල අදහසක් ගන්න පුළුවන්. ඒ ගැන මම ඉදිරියේදි කියලා දෙනවා.



17. Candlestick charts - 2
කලින් පාඩමෙන් අපි candlestick charts ගැන පොඩි idea එකක් ගත්තනේ. අද අපි ඒ ඉගෙන ගත්ත දේවල් තවත් ටිකක් ඉස්සරහට අරගෙන යමු. අපි දැන ගන්න ඕනෙ price data වලින් මෙච්චර ලස්සන candlestick chart එකක් හැදෙන්නේ කොහොමද කියලා. ඒක විස්තර කරනවට වඩා ලේසිම ක්රමය තමයි ඒක දිහා බලාගෙන ඉඳලා ඉගෙන ගන්න එක. ඔයාලට ඉස්සරහට Forex කරද්දී candlestick charts ගොඩක් අධ්යනය කරන්න වෙන නිසා පුරුදු වෙන්නත් එක්ක මම මේ දෙන Exercise එක කරන්න.

ඉස්සෙල්ලම EUR/USD chart එක Metatrader එකට ගන්න. ඊට පස්සේ chart එක maximize කරලා Candlestick charts කියන button එක select කරන්න. දැන් Zoom in button එක 4 පාරක් විතර click කරලා ඔයාලට හොඳට candles පේන ගානට ලොකු කරගන්න. (මේවා කරන්නේ කොහොමද කියලා ඔයාල දැන් දන්නවනේ, මතක නැතිනම් පරණ Blog posts බලන්න) ඊට පස්සේ M5 button එක click කරලා Chart shift කියන button එකත් click කරන්න. දැන් තමයි අමාරු හරිය. බලාගෙන ඉන්න price data එද්දී candles හැදෙන විදිහ. හොඳට ඉවසිල්ලෙන් බලන්න කොහොමද Bull candles හැහෙන්නේ, කොහොමද Bear candles හැදෙන්නේ, ඒ වගේම කොහොමද candle එකේ shadows, body හැදෙන්නේ කොහොමද කියලා බලන්න ඉන්න. මේ candles හැදෙන විදිහෙන් අපිට Market එක කොයි පැත්තට යයිද කියලා දළ අදහසක් ගන්න පුළුවන්.

දැක්ක නේද හැම විනාඩි 5කටම සැරයක් අළුත් candle එකක් හැදෙනවා. මම හිතන්නේ දැන් ඔයාලට තේරෙනව ඇති candles හැදෙන්නේ කොහොමද කියලා. මම කලින් කිව්වා මතකද candle එකකින් දත්ත 4ක් පෙන්වනවා කියලා. ඒ දත්ත 4 තමයි පහත රූපසටහනේ දැක්වෙන්නේ. ඒ දත්ත M5 chart එකට අදාලව තමයි දාලා තියෙන්නේ. හැබැයි chart එක H1 නම් අදාල කාල පරාසය (time period) වෙන්නේ පැයක්. මේ කියපු දේවල් පැහැදිලි ඇති කියලා මම හිතනවා. ඒත් තේරෙන්නේ නැති තැන් තියෙනවා නම් ප්රශ්න අහන්න.




දැන් අපි බොහොම interesting වැඩක් කරමු. අපි අපේ Metatrader එකේ candlestick chart එකේ පාට සම්මත විදිහට ඒ කියෙන්නේ Bull candle කොළ පාටටත්, Bear candle රතු පාටටත් පේන විදිහට පාට වෙනස් කරමු.

දැන් මම EUR/USD candlestick chart එක ගන්න කිව්වොත් ඔයාලා දැනගන්න ඕනෙ තියෙන charts ඔක්කොම close කරලා, ඊට පස්සේ EUR/USD chart එක screen එකට අරගෙන, ඒක maximize කරලා, ඊටත් පස්සේ candlestick කියන button එක click කරලා candles හොඳට පේන ගානට ලොකුකරගන්න. මම හිතන්නේ හැමෝම දන්නවා මේක කරන්නේ කොහොමද කියලා. එහෙනම් අපි වැඩි වෙලා නාස්ති නොකර වැඩේට බහිමු.

දැන් EUR/USD candlestick chart එක ගන්න. ඊට පස්සේ chart එක උඩ right click කරන්න.


දැන් ඒ ආපු Menu එකෙන් Properties කියන එක select කරන්න. (මේ Menu එක keyboard එකේ F8 button එක ඔබලත් ගන්න පුළුවන්).


දැන් ඉස්සෙල්ලම Show grid කියලා තියෙන check box එකේ tick එක අයින් කරන්න. ඊට පස්සේ Show period seperators කියන check box එකට tick එකක් දාන්න. ඒකත් හරි එහෙනම් දැන් මම කහ පාට රවුමකින් සටහන් කරලා තියෙන Colors කියන tab එක click කරන්න.


අපි ප්රධාන වශයෙන් වෙනස් කරන්න යන්නේ ඔය රතු පාට කොටුවකින් සටහන් කරලා තියෙන පාට ටික. ඉස්සෙල්ලාම Bar Up කියන එකෙන් පටන් ගමු. Bar Up කියන එකේ පහලට පොඩි ඊතලයක් තියෙන්නේ, ඒක click කරන්න. එතකොට Color Pallet එක එනවා.


දැන් ඒ Color Pallet එකේ පළවැනි row එකේ (rows කියන්නේ හරස් අතට) තියෙන 5වැනි Color එක click කරන්න. ඒක Green කියලා පෙන්වයි. ඔයාලට මොකක් හරි Color එකක නම දැන ගන්න ඕනෙ නම් ටිකක් වෙල Mouse cursor එක ඒ color එක උඩින් තියන් ඉන්න එතකොට ඒ Color එකේ නම නිකම්ම පෙන්වනවා. දැන් Bar Down කියන එකට 5වැනි row එකේ 8වෙනි Color එක එහෙමත් නැතිනම් Red select කරන්න. Bull candle කියන එකට Green, Bear candle කියන එකට Red select කරන්න.


හරි දැන් ඔයාලා ඒ කියපු ඔක්කොම ටික කලා නම් Ok button එක click කරන්න.



කියපු දේවල් ඔක්කොම හරියට කලා නම් ඔයාලගේ chart එක ඉහත රූපසටහනේ දැක්වෙන chart එකට සමාන වෙන්න ඕනෙ.

Chart එකේ සුදුපාට කඩ ඉරි වලින් හැදුනු line කීපයක් තියෙනවා නේද? ඒවාට කියන්නේ Period seperators කියලා. ඒකෙන් පෙන්වන්නේ H1 chart හෝ ඊට අඩු chart වල (M30, M15, M5, M1) නම් අළුත් දවසක ආරම්භය. H4 chart එකේදි නම් අළුත් සතියක ආරම්භය. D1 chart එකේදී අළුත් මාසයක ආරම්භය. W1,MN chart වලදී අළුත් අවුරුද්දක ආරම්භය. මේක තවදුරත් පැහැදිලි කරගන්න ඔයාලා Mouse cursor එක ඒ line එක උඩ තියන candle එකේ close price එක ගාවට අරන් යන්න. (මතකනේ Red candles වල Close price එක තියෙන්නේ පහල, Green candles වල Close price එක තියෙන්නේ උඩින්, පැහැදිලි නැතිනම් අනිවාර්්යයෙන් ප්රශ්න අහන්න.) ටික වෙලාවක් mouse cursor එක තියාගෙන ඉද්දී screen එකේ විස්තර වගයක් වැටෙනවා නේද? ඒකෙන් අපිට දැන ගන්න පුළුවන් candle එක හැදෙන්න පටන්න ගත්තේ කවදද කියලා.


දැන් chart එක උපරිමයටම Zoom in කරන්න. ඊට පස්සේ chart එක වම් පැත්තේ ඉඳලා දකුණු පැත්තට drag කර කර පරණ data බලන්න. ඔයාලට පෙනෙයි සමහර candles තියෙනවා, ඒකට Body එකක් නෑ ඒකේ color එකත් අපි දාපු එක පාටක්වත් නෙවෙයි ලා කොල පාටක්.


ඒවගේ candles 2ක් තමයි මම සුදුපාට රවුමකින් සටහන් කරලා තියෙන්නේ. එතන වෙලා තියෙන්නේ candle එකේ open price එකයි, candle එකේ close price එකයි 2කම එකයි. එතකොට ඒක Bull candle එකක් කියන්නත් බෑ Bear candle එකක් කියන්නත් බෑ. මේවගේ candle එකකට අපි කියන්නේ Doji කියලා. මේවගේ එක එක ජාතියේ candles වලට එක එක නම් කියනවා. ඒවා ගැන මම ඉස්සරහදී කියලා දෙනවා. සාමාන්යයෙන් Doji එකක් හැදෙන්නේ Buyers හා Sellers අතර කරට කර තරඟයක් තියෙද්දී. ඔයාලා සමහර විට බලයි මොනාද මේ මම කියවන්නේ කියලා. මම මේ ගැන ඉදිරි posts වලදී හොඳට පැහැදිලි කරලා දෙන්නම්.


කොහොම හරි දැන් අපි chart එකේ colors වෙනස් කරන හැටිත් දන්නවා. හැබැයි වැරදිලාවත් අපි අතින් chart එක close වුනොත් අර කරපු වෙනස්කම් ඔක්කොම කරන්න ඕනෙ ආයෙත් chart අපිට ඕනෙ විදිහට හදාගන්න. මේකටත් පිළියමක් තියෙනවා. අපිට පුළුවන් අපි කරපු වෙනස්කම් template එකක් විදිහට save කරන්න එතකොට අපිට තව chart එකක් මේ විදිහට හදාගන්න ඕනෙ නම් කරන්න තියෙන්නේ template එක load කරන එක විතරයි. අපි දැන් බලමු ඒක කරන්නේ කොහොමද කියලා.

ඉස්සෙල්ලාම chart එක උඩ right click කරලා Template කියන එක select කරන්න.


දැන් එන sub menu එකෙන් Save template කියන එක select කරන්න. ඊට පස්සේ එන dialog box එකේ file name කියන එකට "Standard Colors" කියලා දාලා save කියන button එක click කරන්න.


දැන් අපි වෙනසකටත් එක්ක වෙන chart එකක් බලමු. Metatrader එකේ තියෙන ඔක්කොම charts close කරන්න. ඊට පස්සේ USD/CHF එකේ chart එක ගන්න. දැන් chart එකේ වෙන මොකුත් buttons click කරන්නේ නැතුව maximize විතරක් කරගන්න. ඊට පස්සේ chart එක උඩ right click කරලා Template කියන එක select කරන්න.


එන sub menu එකේ අපි අර ඉස්සෙල්ලා save කරපු නම (Standard Colors කියන එක) තියෙන්න ඕනෙ. දැන් ඒක උඩ click කරන්න. එතකොට අපි කලින් හදපු විදිහට colors ඔක්කොම වෙනස් වෙලා එනවා නේද? එහෙනම් දැන් ඒකත් ඔයාලා දන්නවා. Templates sub menu එකේ තියෙන අනිත් template names click කරලා බලන්න මොකද වෙන්නේ කියලා. Chart එක, එක එක විදිහට වෙනස් වෙනවා නේද? ඒ වගේම chart එකට ඔයාල කැමති පාට දාලා templates හදලා බලන්න.

තව වැදගත් දෙයක් කියන්න ඕනෙ. හැම වෙලේම candlestick chart එක හැදෙන්න දත්ත විදිහට පාවිච්චි කරන්නේ Currency pair එකේ Bid price එක.


මම ඉහත රූපසටහනේ රතු පාට රවුම් 2කින් සටහන් කරලා තියෙන තැන් 2ක බලන්න එතකොට මම කිව්වදේ ඔයාලට පැහැදිලි වෙයි.



ඉහත රූපසටහන බලන්න. කලින් මම කිව්වනේ ඒවා මොනාද කියලා පැහැදිලි කරලා දෙනවා කියලා. එතන හැම වෙලේම පෙන්වන්නේ දැනට හැදෙමින් පවතින candle එකේ Open price, High price, Low price හා Close price යන විස්තර.

එහෙනම් අද කරපු දේවල් හොඳට study කරන්න. අළුත් post එකකින් හමුවෙන්නම්. ප්රශ්න තියෙනවා නම් comments section එක හරහා ඉදිරිපත් කරන්න.




18. අපේ මුල්ම trade එක කරමු
ඔන්න එහෙනම් අද අපි අපේ demo account එකේ first trade එක කරමු. මම දන්නවා ගොඩක් දෙනෙක් මේක කරන කල් ඉවසිල්ලක් නැතුව ඉන්නේ කියලා.

අපි ටිකක් පුරුදු වෙනකන් trade කරන්න යන්නේ EUR/USD currency pair එක විතරයි. එහෙනම් කට්ටිය ඉස්සෙල්ලාම අනිත් charts ඔක්කොම close කරලා EUR/USD chart එක screen එකට ගන්න. දැන් අපි අර කලින් පාඩමේදී ඉගෙන ගත්ත Standard colors කියන template එක load කරගන්න. ඊට පස්සේ Chart shift කියන button එකත් click කරන්න.








Trade එකක් open කරනවා කියන්නේ, එහෙමත් නැති නම් Order එකක් place කරනවා කියන්නේ බොහොම වගකීමකින් යුතුව කරන්න ඕනේ දෙයක්. ඔයාලා දැන් දන්නවානේ අපිට trade කරන්න පුළුවන් ක්රම 2ක් තියෙනවා එකක් EUR/USD Long (EUR/USD Buy order) කරන්න පුළුවන් එහෙමත් නැතිනම් EUR/USD Short (EUR/SUD Sell order) කරන්න පුළුවන්. අපි මොන trade එකද කරන්නේ? Long ද, Short ද? මොන order එකද කරන්න ඕනෙ කියලා හරියට දැන ගන්න පුළුවන් නම් මේක කරන හැමෝම මෙලහකට කෝටිපතියෝවෙලා. Trade එකක් open කරන්න කලින් Market එකේ තත්වය හොඳට study කරලා (ඒ කියන්නේ Market analysis) තියෙන්න ඕනෙ. එතකොට තමයි අපිට වන losses අවම කරගන්න පුළුවන් වෙන්නේ.

කොහොම වුනත් දැන් අපි කරන්න හදන්නේ trade එකක් open කරන්නේ කොහොමද කියලා ඉගෙන ගන්නනේ. අනිත් එක අපිට අපේ ඇත්ත සල්ලි නැතිවෙන්නෙත් නැති නිසා අපි නිකන් trade එකක් කරලා බලමු.

දැන් මෙහෙමයි මේක කරන්නේ. ඉස්සෙල්ලම අපි අරන් තියෙන EUR/USD chart එක M15 කරගන්න. ඒක කරන්නේ කොහොමද කියලා ඔයාලා දැන් දන්නවා. M15 button එක click කරන්න විතරයි තියෙන්නේ. අපි කරන්න් යන්නේ මේකයි, දැන් හැදෙමින් පවතින candle එක දිහා හොඳට බලාගෙන ඉන්න. ඒක හැදිලා ඉවර වෙච්ච ගමන් අපි ඒ හැදිච්ච candle එකේ පාට බලලා Buy හෝ Sell order එකක් දාමු.

Candle එක කොළපාට එකක් නම් Buy Order එකකුත්
Candle එක රතුපාට නම් Sell Order එකකුත්

Trade එකක් කරද්දී අපි දැනගෙන ඉන්න ඕනෙ අපි ඒ trade එක කරන්නේ මොන පදනමක් මතද කියලා. ඇයි Sell order එකක් නැතුව Buy order එකක් කරන්නේ හෝ Buy order එකක් නැතුව Sell order එකක් කරන්නේ කියලා. එහෙම නැතුව කාසියක් උඩ දාලා head වැටුනොත් Buy කරනවා, tail වැටුනොත් Sell කරනවා කියලා මේක කරන්න ගියොත්, ඇත්ත සල්ලි දාලා වැඩිකල් Forex කරන්න වෙන එකක් නෑ.

දැන් අපි බලමු Candle එක කොළපාට නම් Buy order එකකුත්, රතු පාට නම් Sell order එකකුත් කරන පදනම (හේතුව) මොකක්ද කියලා. අන්තිමට හැදුනු Candle එක කොළපාටයි කියන්නේ අපි බලන් හිටපු අන්තිම විනාඩි 15දී (M15 නිසා) EUR/USD price එක වැඩිවෙලා කියන එක. අපි අනුමාන කරනවා price එක තවදුරටත් ඉහලයයි කියලා. ඒකයි අපි Buy order එකක් කරන්නේ. මතකනේ Buy order එකකදී අපිට profit ලැබෙන්නේ Market price එක අපි ගත්ත ගණනට වඩා ඉහල ගියොත් විතරයි.

Candle එක රතුපාට නම් මේකේ අනිත් පැත්ත. ඒ කියන්නේ පහුගිය විනාඩි 15දී price එක අඩුවෙලා තියෙනවා. ඒ හින්දා අපි අනුමාන කරනවා price එක තවදුරටත් පහලයයි කියලා. දැන් ඒක පැහැදිලි ඇති කියලා මම හිතනවා.

Market එක ඒ විදිහට study කරනවට කියන්නේ Market analysis කියලා මේ විදිහට Market එක analyse කරන ප්රධාන ක්රම 2ක් තියෙනවා. එකක් Technical analysis අනිත් එක Fumdamental analysis. දැනට මේවා ලොකුවට හිතන්න එපා. මම ඒවා ඉස්සරදී කියලා දෙන්නම්. හැබැයි අපි ගොඩාක් දුරට කරන්න යන්නේ Technical analysis තමයි.

මට ඕනෙ කරන්නේ ඔයාලට මේක කරන්නන් වාලේ කරන්නේ නැතිව කරන හැම දේම තේරුමක් ඇතුව කරවන්න. එතකොට Forex වල තියෙන risky පැත්ත සෑහෙන්න අඩුකරගන්න පුළුවන්.

හරි දැන් අපි බලමු trade එක කරන්නේ කොහොමද කියලා. එහෙනම් දැන් හැදෙමින් පවතින M15 Candle එක දිහා බලාගෙන ඉන්න. ඒක හැදිලා ඉවර වෙන්න තව කොච්චර වෙලා යනවද කියලා Market watch එක බලලා දැන ගන්න පුළුවන්. (Market watch එක තියෙන්නේ Currency pairs prices පෙන්වන කොටුවේ උඩම, එකේ පෙන්වන වෙලාව 08:20 නම් ඒ කියන්නේ Candle එක හැදිලා ඉවරවෙන්න තව විනාඩි 10ක් යනවා කියන එක, මොකද M15 chart එකේදී Candles හැදෙන්නේ විනාඩි 15න් 15වට නිසා).

Candle එක හැදිලා ඉවර වෙච්ච ගමන් chart එක උඩ right click කරන්න.



ඊට පස්සේ එන Menu එකෙන් Trading select කරලා එන sub menu එකෙන් New Order කියන එක select කරන්න. (F9 key එක ඔබලත් මේ dialog box එක ගන්න පුළුවන්)



දැන් ඒ dialog box එක දිහා ටිකක් බලන්න. එකේ තියෙන ඒවා ගැන දැන්ම කලබල වෙන්න එපා. Symbol කියන්නේ අපි trade කරන Currency pair එක. හැබැයි Volume කියන එක ඉතාමත්ම වැදගත්, මම ආයෙත් කියනවා Volume කියන එක ඉතාමත්ම වැදගත්. Trade එකක් කරන හැමවෙලේම අනිත් ඒවා කෙසේවෙතත් Symbol එකයි Volume එකයි double නැතිනම් triple check කරන්න පුරුදුවෙන්න.

Volume එකේ 1 කියන්නේ Lot එකක් කියන එක. ඒ කියන්නේ අපි එතන 1 තියෙද්දී Buy හෝ Sell order එකක් කලොත් Currency Lot එකක් Buy හෝ Sell වෙනවා. දැන් මේ trade එක කරද්දී අපි Mini-lot එකක් trade කරමු. Lot එකක් 1 නම්, Mini-lot එකක් කියන්නේ 0.1 නේද? (Lot = 100,000, Mini-Lot = 10,000). දැන් Volume කියන තැන 0.1 select කරන්න, select කරන්න බැරිනම් අතින් type කරන්න. ඊට පස්සේ අපේ analysis එකට අදාල විදිහට Sell හෝ Buy button 2න් එකක් click කරන්න. (ඒ කියන්නේ අපි බලන් හිටපු Candle එක කොළපාට නම් Buy order එකක් හා රතුපාට එකක් නම් Sell order එකක්).



දැන් Ok button එක click කරන්න.

Trade එක දාපු ගමන් chart එකට පහල කොටුවේ විස්තර වගයක් වැටෙනවා නේද? ඒකේ අන්තිම Column එකේ තමයි අපි මේ කරපු trade එකේ profit, loss පෙන්වන්නේ. Trade එක දාපු ගමන් ඒක negative ගණනක් තිබ්බට කලබල වෙන්න එපා ඒකට හේතුව තමයි අර අපි කලින් පාඩමක කතාකරපු Bid හා Ask price අතර වෙනස.




Trade එකක් දාපු ගමන්ම close කරත් අපිට ඒ trade එක කරාට Brokerට spread එක ගෙවන්න වෙනවා. සාමාන්යයෙන් EUR/USD pair එකේ නම් 3 Pips විතර. ඒ කියන්නේ Mini-Lot එකකදී නම් USD 3ක loss එකක් අපිට වෙනවා. ඒකයි කලින් මම කිව්වේ Volume කියන එක හොඳට බලන්න කියලා. නිකමට හරි වැරදීමක් වෙලා trade එක close කරොත් අපිට පාඩුයි.

ඉහත රූපසටහන හරියට පැහැදිලි නැති නිසා මම ඒක කොටස් 2කට අරන් විස්තර කරන්නම්.



Order කියලා තියෙන්නේ අපේ trade එකේ number එක (හරියට index number එකක් වගේ). අපි demo account එකේ trade කරන හින්දා මේක එච්චර ගනන් ගත්තේ නැති වුනාට real money එකක් trade කරද්දී මේ number එක අනිවාර්්යයෙන්ම log book එකක් වගේ එකක් තියාගෙන ලියාගන්න ඕනෙ. මොකද හදිස්සියේවත් Broker පිස්සුවක් කරොත් එයාලට කතාකරන්න අපේ Order number දැනගෙන තිබුනොත් ගොඩාක් ලේසියි. ඔයාලා හැබැයි දැන්ම මේ ගැන බය වෙන්න එපා. ඒවා ඔක්කොම මම ටික ටික කියලා දෙන්නම්.

Time කියලා තියෙන්නේ අපි trade එක open කරපු දිනය හා වේලාව.

Type කියන්නේ Buy order එකක්ද Sell order එකක්ද කියන එක.

Size කියන්නේ අපි trade කරපු Currency ප්රමාණය, මෙතන පෙන්වන්නේ Lots වලින්. (1 කියන්නේ Lot එකක් හා 0.1 කියන්නේ Mini-Lot එකක්)

Symbol කියන්නේ අපි trade කරපු Currency pair එක

Price කියන්නේ අපි Market order එක කරපු price එක.

ආ මට පොඩි දෙයක් කියන්න බැරිවුනා. අපි මේ කරපු Buy හෝ Sell orders වලට කියන්නේ Market orders කියලා ඊට අමතරව තව orders වර්ග තියෙනවා ඒවා මම ඉක්මනට කියලා දෙන්නම්.




S/L කියන්නේ Stop Loss කියන එක මේක හරියට Forex කෙනෙක්ට ඉතාමත් වැදගත් variable එකක්. හැබැයි අපි තවම ඒ ගැන ඉගෙන ගත්තේ නෑනේ. ඒ නිසා ඒක මේ trade එකේ දී අපිට වෙනස් කරන්නේ නෑ.

T/P කියන්නේ Take Profit කියන එක S/L වගේම මේකෙත් සෑහෙන වැදගත්කමක් තියෙනවා. දැනට මේකත් අපි අතහැරලාදාමු.

Commission කියන්නේ මේ trade එකට Broker අපෙන් commission එකක් ගන්නවා නම් මෙතන තමයි ඒ ගණන පෙන්වන්නේ. Forex Brokers ලා බොහෝ දෙනෙක් commission එකක් charge කරන්නේ නෑ. (කරන Brokers ලත් ඉන්නවා හැබැයි බොහෝම අඩුයි.) ඒ හින්දා මේ field එකත් අපිට වැඩිය අදාල නෑ.

Swap කියන එක මම ඉදිරියේදී කියලා දෙන්නම්. ඒකට වෙනම පාඩමක් කරන්න වෙනවා.

අන්තිමට තියෙන්නේ Profit. ඒක නම් මොකක්ද කියලා හිතාගන්න පුළුවන්නේ. එතන තියෙන්නේ අපේ profit එක හෝ loss එක.


ඉහත රූපසටහනේ පෙන්වලා තියෙන Balance, Equity, Margin, Free margin හා Margin level කියන්නේ මොනාද කියලා අපි අනිවාර්්යයෙන්ම දැනගන්න ඕනෙ. ඒවා මම ඉදිරි පාඩමෙන් කියලා දෙන්නම්.

කොහොම හරි දැන් Market order එකක් (එහෙමත් නැතිනම් trade එකක්) දාන්න දන්නවා. දැන් අපි දාපු trade එක close කරන්නේ කොහොමද? මතකනේ මම කිව්වා අපි trade එකක් කරලා profit එක හෝ loss එක අපේ account එක පෙන්වන්න අපි trade එක close කරන්න ඕනෙ.

අපි දැන් බලමු ඒක කරන්නේ කොහොමද කියලා. අපි කොයි වෙලේද trade එක close කරන්නේ? අපිට ලැබිලා තියෙන profit එක ඇති කියලා හිතුනමද? එහෙමත් නැතිනම් loss වැඩිවේගන එනකොට ද?

ඒකටත් අපි ක්රමයක් යොදමු. හිතන්න ඔයා කලේ Buy order එකක් කියලා, එතකොට trade එක open කරලා විනාඩි 15කට පස්සේ හැදුනු Candle එක රතු පාට එකක් කියලා. එහෙම නම් ඒ candle එක හැදිලා ඉවර වෙච්ච ගමන් trade එක close කරන්න. හැබැයි හැදුනු Candle එක කොළපාට එකක් නම් trade එක තවදුරටත් තියන්න. ආයෙත් රතුපාට candle එකක් හැදෙනකම් trade එක ගෙනියන්න.

Sell order එකේදි මේකෙ අනිත් පැත්ත. Trade එක කරලා විනාඩි 15කට පස්සේ හැදුනු candle එක කොළපාට එකක් නම් ඒ candle එක හැදිලා ඉවර වෙච්ච ගමන් trade එක close කරන්න. හැදුනු candle එක රතු පාට එකක් නම් trade එක තවදුරටත් තියන්න. ආයෙත් කොළපාට candle එකක් හැදෙනකම් trade එක ගෙනියන්න.

එහෙනම් අපි බලමු trade එකක් close කරන්නේ කොහොමද කියලා.

ඉස්සෙල්ලාම අපි අර විස්තර කතා කරපු trade එක උඩ right click කරන්න.

ඊට පස්සේ එන Menu එකෙන් Close Order කියන එක select කරන්න.


දැන් ආපු dialog box එකෙන් කහපාටට තියෙන Close button එක click කරන්න. මෙතනදිත් බලන්න Symbol හා Volume කියන කොටු 2ක.


ඊට පස්සේ Ok button එක click කරන්න.


එහෙනම් දැන් ඔයාලා දන්නවා trade එකක් open කරලා close කරන්නේ කොහොමද කියලා. ඔයාලට මම කිව්වේ කොළපාට candle එකක් හැදුනම Buy order එකකුත්, රතු පාට candle එකක් හැදුනම Sell order එකකුත් කරන්න කියලා. ඒ වගේ rules set එකකට කියන්නේ Strategy එකක් කියලා. අපේ මේ පොඩි Strategy එක නම් සම්පූර්ණ නෑ, මොකද ඒකේ Stop Loss, Take Profit වගේ දේවල් නැති නිසා. ඒත් අපි මේක කලේ trade එකක් දාන්න පුරුදු වෙන්නනේ.

හරි දැන් ඔයාලා trade එක close කලා නම් පහත රූපසටහනේ දැක්වෙන ආකාරයට ඔයාලගේ account balance එක අඩුවෙලා හෝ වැඩිවෙලා තියෙන්න පුළුවන්.


Account balance එක වැඩි වුනා නම් ඔයාලට සතුටු ඇති. හැබැයි account balance එක අඩුවෙච්ච කට්ටිය දුක් වෙන්න එපා Forex වල හැම වෙලේම දිනන්න පුළුවන් කිසිම කෙනෙක් නෑ. පොඩි රහසක් තියෙනවා ඒකෙන් පුළුවන් අපි trades පැරදුනත් අපේ account balance එක එන්න එන්න වැඩි කරගන්න, ඒකට කියන්නේ Money management කියලා ඒ ගැන වැඩි විස්තර ඉදිරි පාඩම් වලදී.


ඉහත රූපසටහනේ දැක්වෙන රතුපාට රවුම click කරලා අපි කලින් කරපු trades වල විස්තර බලන්න පුළුවන්.



ඒකේ තියෙන ගොඩක් විස්තර ඔයාලා දැනටමත් දන්නවානේ. Account History එකේ වැඩිපුර ඇවිත් තියෙන්නේ තව Time කියලා field එකක්. ඒකේ පෙන්වන්නේ අපි trade එක close කරපු වේලාව. (මම trade එක close කරපු වෙලාව ගැන එච්චර හිතන්න එපා මොකද මට ඕනෙ වුනේ මේක කරන හැටි ඔයාලට කියලා දෙන්න. )

Profit/Loss කියලා තියෙන තැන වැටෙන්නේ සාමාන්යයෙන් දැන් ගෙවෙන මාසයේ මුළු profit එක හෝ loss එක. (මේ time period එක අපිට Account history එකේ right click කරලා වෙනස් කරගන්න පුළුවන්. ඒත් දැනට අපිට ඒ ගැන කලබල වෙන්න ඕනෙ නෑ.)

Credit කියන්නේ අපිට Broker මොකක් හරි offer එකකදී හෝ වෙනත් හේතුවක් නිසා අපිට ලබාදෙන සල්ලි වලට.

Deposit කියන්නේ අපි real account එකක් කරද්දී අපි deposit කරන මුදල් ගණනට (මේ මාසය ඇතුලත).

Withdrawal කියන්නේ අපි අපේ real account එකෙන් withdraw කරපු මුදල් ගණනට.


හරි දැන් ඒ ටික තේරෙනවනේ. අපි අපේ Strategy එක තවපාරක් බලමු.

Currency pair - EUR/USD
Time frame - M15

Open order condition - දැන් හැදෙමින් පවතින candle එක හැදී අවසන් වෙන තුරු සිට, ඒ candle එක

Green නම් Buy order එකක් හා
Red නම් Sell order එකක් කරන්න.

Close order condition - order එක open කලාට පස්සේ හැදුනු candle එක,

Red නම් හා අපි කලේ Buy order එකක් නම්, හෝ
Green නම් හා අපි කලේ Sell order එකක් නම් trade එක close කරන්න. හැදුනු candles වල පාට මේ conditions වලට වඩා වෙනස් නම් තවදුරටත් trade එක තියන්න.

එහෙනම් මීළඟ post එකෙන් හමුවෙන තුරු දිගටම trade කරන්න පුරුදුවෙන්න. කැමති නම් අනිත් time frame වලත් trade කරලා බලන්න. හැබැයි මෙහෙම rule එකක් තියාගන්න. දවසකට එක දිගට trades 3ක් loss වුනොත් ඒ දවසේ තවදුරටත් trade කරන එක නවත්වන්න.



19. Forex ගැන තව ටිකක් ඉගෙන ගමු.
මම මේ Forex blog එක කරගෙන ගියේ සාමාන්යයෙන් ගොඩක් Forex sites කරනවාට වඩා වෙනස් ක්රමයකට. ඒ කියන්නේ මම ඉස්සෙල්ලාම ලොකුවට theory කරන්නේ නැතුව practicals පැත්ත තමයි වැඩිපුර කියලා දුන්නේ. දැන් ඔයාලට නිකන් ඉන්න ගමන් කරන්න වැඩකුත් තියෙන නිසා (Trades open කරන්න දන්න නිසා) අද අපි Forex Market එක ගැන විස්තර ටිකක් ඉගෙන ගමු.

දැන් ඔයාල දන්නවනේ Forex කියන්නේ මොකක්ද කියලා. ඒ වගේම Forex වලින් සල්ලි හම්බ කරන හැටි ගැනත් ඔයාලට අවබෝධයක් තියෙනවා. හැබැයි ඔයාලා දන්නවද Forex Market එක තමයි මුළු ලෝකයේම තියෙන ලොකුම Financial Market එක කියලා. Stock Market එක ගැන ඔයාලට පොඩි අවබෝධයක් ඇති කියලා මම හිතනවා. ලෝකයේ තියෙන ලොකුම Stock Market එක තමයි NYSE (New York Stock Exchange) (හරියට ලංකාවේ Colombo Stock Exchange එක වගේ). NYSE එකේ දවසකට $74 Billions මුදල් ගනු දෙනු සිද්ධ වෙනවා. සෑහෙන්න ලොකු ගණනක් නේද? හැබැයි Forex Market එකේ දවසකට $4 Trillion ගනු දෙනු සිද්ධ වෙනවා.

අපි නිකමට බලමු මේ ගණන් දෙක බිංදුත් එක්ක ලියලා.

$74 Billion = 74,000,000,000
$4 Trillion = 4,000,000,000,000

දැන් තේරෙනවා නේද කොච්චර ලොකු වෙනසක් තියෙනවද කියලා.






රූපසටහන බැලුවම මම කියන දේ ඔයාලට තවත් පැහැදිලිවෙයි. හැබයි මේ $4 Trillion කියලා කියන්නේ Forex Market එකේ ඉන්න ඔක්කොම tradersලාගේ මුළු transaction volume එක. Retail traders, ඒ කියන්නේ අපි වගේ පොඩි traders ලාගේ transaction volume එක $1.49 Trillion විතර තමයි වෙන්නේ.

කොහොම හරි ඔයාලා දැන් දන්නවනේ Forex Market එකේ trade වෙන්නේ මොනාද කියලා. (මතක නැතිනම් පරණ පාඩම් වලට ගිහින් බලන්න.)

Forex Market එකට කියන්නේ OTC (Over the Counter) එහෙමත් නැතිනම් Interbank, Market එකක් කියලා. මොකද අනිත් Markets වගේ Forex Market එකට Central exchange එකක් හෝ භෞතික තැනක් නෑ. මේක තනිකරම වෙන්නේ බැංකු අතර Electronically. අනිත් එක මේක පැය 24ම ක්රියත්මක වෙනවා. ඒ නිසා අපිට Forex ලෝකේ ඕනෙම තැනක ඉඳලා කරන්න පුළුවන් (හැබැයි Internet තියෙන්න ඕනෙ.).

පහත රූපසටහනේ දැක්වෙන්නේ ලෝකයේ වැඩියෙන්ම trade වෙන currencies.


(Chart එකේ මුළු ප්රතිශතවල එකතුව 200%, මොකද Currency pair එකක currencies 2ක් තියෙන නිසා.)

ඔයාලට පේනවා නේද, වැඩිම ඉල්ලුමක් තියෙන්නේ USD වලට. Forex Market එකේ සිදුවෙන transactions වලින් 84.9% කටම USD සම්බන්ධයි.



International Monetary Fund (IMF) එක කියන විදිහට ලෝකයේ Foreign Exchange Reserves වල 62%ක්ම තියෙන්නේ USD. හැම දෙනාම වගේ USD වල price එක ගැන ඇහැ ගහගෙන ඉන්නෙ.

USD මෙච්චර ප්රසිද්ධ වෙන්න හේතු කීපයක් තියෙනවා.

- ලෝකයේ ලොකුම Economy එක තියෙන රට United States of America වීම
- ලෝකයේ ගොඩක් රටවල් වල Money reserve වල USD තිබීම
- USA වල ලෝකයේ liquidම Financial Markets තිබීම
- USA වල ස්ථාවර දේශපාලන ක්රමයක් තිබීම
- USA යුධමය වශයෙන් ඉතාමත් ප්රබල ස්ථානයක සිටීම
- USD මූල්ය හුවමාරු මාධ්යයක් වශයෙන් භාවිතා කිරීම. (උදා. Mexicoවට Saudi Arabia වලින් තෙල් ගන්න ඕනෙ නම්, එයාලට ගෙවන්න වෙන්නේ USD වලින්. Mexico වල USD නැතිනම් ඉස්සෙල්ලා එයාලා එයාලගේ සල්ලි USD වලට මාරු කරන්න වෙනවා.)

තවත් ඔයාලා දැනගෙන ඉන්න ඕනෙ දෙයක් තමයි. Forex Market එකේ transaction වලින් 90%ක් ම වෙන්නේ ලාභ ලබන්න Buy හෝ Sell කරන traders ලා අතින්. ඒ කියන්නේ අපි වගේ tradersලා. අනිත් 10% තමන්ගේ අවශ්යතා සඳහා මුදල් මාරු කරන අය. (උදාහරණයක් වශයෙන් විදේශ ගතවීමට යන අය අදාල රටේ මුදල් ලබා ගැනීම.)


90%ක්ම ලාභ ලබන්න බලාගෙන currencies Buy හා Sell කරන එක අපිට ලොකු වාසියක්. මොකද අපිට ඕනෙම වෙලාවක Currencies, Buy හෝ Sell කරන්න පුළුවන්. මේකට තමයි liquidity කියලා කියන්නේ. Forex Market එකේ liquidity එක අනිත් Markets වලට වඩා ගොඩක් වැඩී. ඒ නිසා අපිට currency ලොකු ගණන් trade කරන්න පුළුවන් price එකේ ලොකු වෙනසක් වෙන්නේ නැතුව.

ඔයාලට මම කියපු දේවල් පැහැදිලිද? මෙහෙම හිතන්න, ඔයාට මොනා හරි දෙයක් ගන්න ඕනේ, හැබැයි ඒ දේ ගන්න කවුරු හරි ඒ දෙය ඔයාට දෙන්න ඕනෙ නේද? දැන් අපි Metatrader එකේ Buy order එකක් කරද්දී Forex Market එකේ කවුරු හරි Sell කරන එකක් තමයි අපි Buy කරන්නේ. Broker කරන්නේ අපිට අවශ්ය currency ගණන, විකුණන කෙනාගෙන් අරගෙන අපිට දෙන එක. ඉතින් හිතන්න අපිට ඕනෙම වෙලාවක currency Buy, Sell කරන්න පුළුවන් කියන්නේ හැමවෙලේම කවුරු හරි Buy හෝ Sell කරන නිසා නේද?

හැබැයි හැම Currency pair එකක්ම හැම වෙලේම liquid ද? නෑ. එක් එක Currency pairs වල liquidity එක වැඩිවෙන වෙලාවල් තියෙනවා. ඒ වෙලාවල් දැනගෙන හිටියොත් profit හොයන්න ලේසී. ඒවා ගැන ඉදිරි පාඩමෙන් මම කියලා දෙනවා.

අනිත් දේ තමයි Forex Market එකේ trade කරන්න පුළුවන් ක්රම කීපයක්ම තියෙනවා.

- Spot Forex
- Futures
- Options
- Exchange-traded Funds

ආදී වශයෙන්. මේවගෙන් අපි කරන ක්රමයට කියන්නේ Spot Forex කියලා. එහෙනම් අපි මිළඟ පාඩමෙන් හමුවෙමු.



20. Forex අනිකුත් මුදල් ආයෝජන ක්රම වලට වඩා වාසිදායක ඇයි?
අපි අද බලමු Forex අනිත් මුදල් ආයෝජන ක්රම වලට වඩා වාසිදායක වෙන්නේ කොහොමද කියලා.

- No commissions, Low transaction cost
Forex market එකේදී අපි broker ලට commissions හෝ වෙන මොනවත් ගාස්තු ගෙවන්න වෙන්නේ නෑ. අපි ගෙවන එකම ගාන තමයි අපි open කරන trade එකේ spread එක. මතකනේ Spread එක, Bid හා Ask price අතර වෙනස.






- No middlemen
අතරමැදියෝ නෑ. අපි කෙලින්ම software එක පාවිච්චි කරලා අපිට අවශ්ය trades open, close කරනවා. මේ නිසා අතරමැදියෙක් ඉන්නකොට වෙන delays, mistakes සම්පූර්ණයෙන්ම නැති කරගන්න පුළුවන්.

- No fixed lot size
අපිට, අපිට අවශ්ය ඕනෙම currency ප්රමාණයක් ගන්න හෝ විකුණන්න පුළුවන්. Currency හරියටම Lot එකක් ගන්න ඕනේ කියලා නීතියක් නෑ.

- A 24-hour market
සතියේ දවස් 5ම, පැය 24ම Forex Market එක ක්රියාත්මක වෙනවා. ඒ හින්දා අපිට පහසු විදිහට කැමති වෙලාවක් තෝරගෙන trade කරන්න පුළුවන්.

- No one can corner the market
Forex Market එක ලෝකේ ලොකුම Market එක නිසා USA වලටවත් තනියම Currency pair එකක price එක වෙනස් කරන්න බෑ. ඒ කියන්නේ Forex Market එකේ Currency prices කාටවත් ඕනෙ විදිහට පාලනය කරන්න බෑ.

- Leverage
මේ මොකක්ද කියලා ඔයාලා දැනටමත් දන්නවනේ. සමහර Brokers ලා 500:1 Leverage පවා දෙනවා. මෙච්චර Leverages දෙන්නේ Forex වල විතරයි.

- High Liquidity
මේක ගැනත් මම කලින් පාඩමේදි කතා කරා. මේ high liquidity එක නිසා අපිට Currencies ඕනෙම වෙලාවක Buy, Sell කරන්න පුළුවන්.

- Low Barriers to Entry
ගොඩක් ව්යාපාර පටන් ගන්න ලේසි නෑ. හැබැයි Forex එහෙම නෑ. අතේ පොඩි මුදලක් තියාගෙන වුනත් පටන් ගන්න පුළුවන්. (එහෙම කිව්වට අපි මුලික කරුණු හොඳට අධ්යනය කරන්නේ නැතිව වැඩේට බහින එක එච්චර ඇඟට ගුණ නෑ.)

- Free learning material Everywhere
Forex ඉගෙන ගන්න අවශ්ය තොරතුරු බොහෝමයක් අපිට Internet එකෙන් Free ගන්න පුළුවන්. ඒ වගේම broker ලා අපිට practise කරන්න ඕනෙ තරම් demo accounts open කරන්න දෙනවා. (හැබැයි Forex ගැන සිංහලෙන් තියෙන තොරතුරු බොහෝම සීමිතයි. ඒ අඩුව පුරවන්න තමයි මම මේ blog එක පටන් ගත්තේ.)

මම මේ කියලාදීපු දේවල් වල කටපාඩම් කරන්න දෙයක් නෑ. හැබැයි හොඳ Forex trader කෙනෙක් වෙන්න නම් මේ කරුණු දැනගෙන ඉන්න ඕනෙ. පැහැදිලි නැති තැන් තියෙනවා නම් අහන්න.



21. Account Balance, Equity, Margin, Free margin හා Margin level - (Money management Lesson - 1)
අද අපි කරන්න යන්නේ තවත් ඉතාමත් වැදගත් පාඩමක්. මේ පාඩම කෙලින්ම සම්බන්ද වෙන්නේ Money management එහෙමත් නැතිනම් අපි කොහොමද Forex වලදී අපේ මුදල් පාලනය කරන්නේ කියන පාඩමට. Forex trader කෙනෙක් Forex වලින් සාර්ථක වෙනවද නැද්ද කියන එකට බලපාන ප්රධාන සාධකයක් තමයි මේ Money management කියන්නේ.

අපි trade එකක් open කරලම වැඩේ පටන්ගමු. ඔයාලගේ Metatrader එකේ open කරපු trades තියෙනවා නම්, ආයෙත් trades open කරන්න අවශ්ය නෑ. හැබැයි trades 1කට වඩා open කරලා තියෙනවා නම් එක trade එකක් විතරක් ඉතුරු කරලා අනිත් ඒවා ඔයාලා පාවිච්චි කරන Strategy එකේ rules වලට අදාලව close කරන්න. එක trade එකක් විතරක් ඉතුරු කරගන්න කිව්වේ එතකොට ගණන් හදාගන්න ලේසි හින්දා.

දැන් ඉතින් ඔයාලට trades open කරන්නේ කොහොමද කියලා කියන්න ඕනේ නෑනේ. දැන් ඔයාලට පුළුවන් trade එකක් open කරන්නේ කොහොමද කියලා මටත් කියලා දෙන්න.

Currency pair එක EUR/USD, Lots ගණන 0.1, Buy හෝ Sell ඔයාලා අදාල විදිහට කරන්න. ඊට පස්සේ කෙලින්ම බලන්න Chart එකට පහලින් තියෙන Terminal කියන කොටුවේ Trade කියන tab එක.




අපිට පැහැදිලිව බලන්න පුළුවන් ආකාරයට මම මේ රූපසටහන කොටස් 2කට පහලින් දක්වලා තියෙනවා.





Balance කියන්නේ මොකක්ද කියලා ඔයාලට පේනවා ඇති. Balance කියලා කියන්නේ අපේ account එකේ දැනට තියෙන balance එක. හැබැයි මතක තියාගන්න අපි දැනට open කරලා තියෙන order එක මේකට ඇතුලත් වෙලා නෑ. ඒ order එක close කලාම තමයි Balance එක update වෙන්නේ. මගේ රූපසටහනේ විදිහට නම් මගේ balance එක USD 3007.00.

Equity කියන්නේ මොකක්ද? Equity කියන්නේ අපි දැන් කරගෙන යන trade එකේ profit හෝ loss එකත් ඇතුලත්ව අපේ account balance එක. අපි බලමු ඒක එහෙමද කියලා. මගේ balance එක 3007.00, මම දැනට කරගෙන යන trade එකේ profit එක -19.00 (ඒ කියන්නේ loss එකක්). අපි ඒ දෙක එකතු කරලා බලමු.

Equity = Balance + (Profit or loss)
= 3007.00 + (-19.00)
= 3007.00 - 19.00
= 2988.00

උත්තරේ රූපසටහනේ තියෙන ගණනත් එක්ක ගැලපෙනවා නේද? එහෙනම් ඒකත් හරි.

ඊළඟට අපි බලමු Margin කියන්නේ මොකක්ද කියලා. ඔයාලට මතකද දන්නේ නෑ මම කලින් පාඩම් වල ගණන් හදද්දී කිව්වා අපි trade එකක් open කලාම broker අපේ account එකෙන් ගානක් අඩුකරගන්නවා කියලා. මම කිව්වා ඒ මුදල අපිට ආපහු හම්බවෙන්නේ trade එක close කලාම කියලත්. මේ Margin කියලා කියන්නේ අන්න ඒ broker අපේ account එකෙන් අඩුකරගන්න ගණන (හරියට deposit එකක් ගන්නවා වගේ). අපි දන්නවනේ අපි Buy හෝ Sell කලේ EUR/USD, Lot 0.1 කියලා. ඒ වගේම අපි Buy හෝ Sell කරපු price එකයි, Broker අපිට දෙන leverage එකයි දන්නවා නම් broker අපෙන් අඩුකරගන්න ගණන එහෙමත් නැතිනම් Margin එක අපිට ගණනය කරන්න පුළුවන් නේද? අපි අපේ demo account එක open කරද්දී මතකද අපි දුන්න Leverage එක 100:1 කියලා. එහෙනම් අපිට අවශ්ය දත්ත ඔක්කොම තියෙනවනේ අපි ගණන හදලා බලමු. (මම ගණන හදන්නේ රූපසටහනේ තියෙන දත්ත පාවිච්චි කරලා, ඔයාල කැමති නම් පහල උදාහරණය බලලා, ඊට පස්සේ ඔයාලගේ account එකේ තියෙන data බලලා ගණන හදලා බලන්න.)

Sell order කල price එක = 1.3791 (රූපසටහන බලන්න.)
Currency ප්රමාණය = 0.1 Lots = 10,000
අවශ්ය USD ගණන = 1.3791 X 10,000
= 13,791
Leverage එක 100:1 නිසා = 13,791 / 100
= 137.91

ඒ කියන්නේ අපේ account එකෙන් Margin එක විදිහට USD 137.91ක් අඩුවෙන්න ඕනේ. අපි බලමු රූපසටහනේ විදිහට, Margin එක විදිහට කීයක් අඩුවෙලා ද කියලා. මාර සීන් එකනේ Margin එක විදිහට අඩුවෙලා තියෙන්නේ USD 34.48 නේ. ඒ කියන්නේ අපේ ගණන් හදපු විදිහ වැරදිද? නෑ, මෙතන වෙලා තියෙනේ Broker අපිට පොරොන්දු වුන ගණනට වඩා වැඩි ගණනක Leverage එකක් ලබා දීලා තියෙන එක. සමහර වෙලාවට Brokerලා එහෙම වැඩ කරනවා. එහෙම කරද්දී අපි අර කලින් දීපු Leverage එක 100:1 කියන එක broker අපිට ලබාදෙන අවම Leverage එක විදිහට තියාගන්නවා. දැන් අපි ගණන් හදලා බලමු broker අපිට කොච්චර Leverage එකක් දීලා තියෙනවද කියලා.

අවශ්ය USD ගණන = 1.3791 X 10,000
= 13,791
අපේ Margin එක = 34.48
Leverage එක = 13,791 / 34.48
= 399.97

ඒ කියන්නේ Broker අපිට 400:1 Leverage එකක් ලබාදීලා කියන එක.

තවදෙයක් කියන්න ඕනේ, අපි trades එකකට වඩා open කරලා තියෙනවා නම් Margin එකෙන් පෙන්වන්නේ ඒ trades ඔක්කොටම අපේ account එකෙන් කීයක් අඩුකරලාද කියන එක.

සමහර Brokersලා ඉන්නවා එයාලා අපිට ලබාදෙනවා Floating Leverage කියලා එකක්. ඒ කියන්නේ අපේ Leverage එකක් අපි trade කරන Lots ගණනත් එක්ක වෙනස් වෙනවා. අපිට දැනට මේ ගැන එච්චර හිතන්න දෙයක් නෑ. මොකද ඊට වඩා වැදගත් දේවල් ගොඩාක් අපිට ඉගෙන ගන්න තියෙනවා. මේ මම කියලා දීපු ටිකේ මොනාහරි ප්රශ්න තියෙනවා නම් අහන්න.

Free margin, මේකත් එච්චර අමාරු එකක් නෙවෙයි. Free margin, කියලා කියන්නේ Equity එකෙන් Margin එක අඩු කලාම එන ගණනට. මේ ගණනින් කියන්නේ අපිට තව කොච්චර සල්ලි තියෙනවද trades open කරන්න කියන එක. අපි ඒ ගණනත් හදලා බලමු රූපසටහනේ තියෙන උත්තරය එනවද කියලා.

Free margin = Equity - Margin
= 2988.00 - 34.48
= 2953.52

උත්තර 2කම ගැලපෙනවා නේද? එහෙනම් අපි බලමු Margin level කියන්නේ මොකක්ද කියලා.

Margin Level එක ගණනය කරන්නේ පහත දැක්වෙන සූත්රයෙන්, ඒ වගේම Margin level එක පෙන්වන්නේ ප්රතිශතයක් විදිහට.

Margin level = (Equity / Margin) X 100

අපි ගණන හදලා බලමු රූපසටහනේ ගණනට ගැලපෙනවද කියලා.

Margin level = (2988.00 / 34.48) X 100
= 8665.89%

රූපසටහනේ උත්තරය 8666.52% නේද? උත්තර 2කේ පොඩි වෙනසක් තියෙනවා නේද? මේකට හේතුව තමයි Metatrader එක මේ ගණන හදන්නේ මීට වඩා පොඩ්ඩක් වෙනස් විදිහකට. අපි ඒ විදිහටත් හදලා බලමුකෝ.

Margin level = (2988.00 / (13,791/400)) X 100

(මෙතන 13,791 කියන්නේ EUR Mini-lot එක ගන්න යන USD ගණන. 400 කියන්නේ Leverage එක.)

= (2988.00 / 34.4775) X 100
= 8666.52%

දැන් උත්තරේ හරියටම ආවා නේද? දැන් Margin Level එක හැදෙන හැටි ඔයාලා දැන ගත්තනේ. අපි බලමු Margin Level එකෙන් අපිට කියන්නේ මොනාද කියලා.

Forex වලදී අපිට කවදාවත් brokerට අතින් ගෙවන්න සිද්ධ වෙන්නේ නෑ. හිතන්න අපි USD 3000ක් දාලා Forex real account එකක් open කරනවා. ඊට පස්සේ අපි trade එකක් open කරනවා (Buy හෝ Sell). හිතන්න ඒ trade එක loss එකක් වෙලා ටිකින් ටික ඒ loss එක වැඩිවෙනවා. කොහොම හරි අපිටත් එක එක වැඩ නිසා trade එක දිහා බලන්න හම්බවෙන්නේ නෑ. කොහොම හරි trade එකේ loss එක දැන් USD 2500යි. තවදුරටත් trade එක loss වේගන යනවා. හැබැයි මේ trade එකේ loss එක කවදාවත් USD 3000ට වඩා වැඩිවෙන්නේ නෑ. මොකද broker ගේ තියෙන software එකක් හැමවෙලේම අපේ Margin Level එක දිහා බලාගෙන ඉන්නේ. Margin level එක එක්තරා සීමාවකට වඩා අඩුවුන ගමන් broker අපේ trades close කරන්න පටන් ගන්නවා. සාමාන්යයෙන්, අපි trades එකකට වඩා open කරලා තියෙනවා නම්, ඉස්සෙල්ලාම වැඩිම loss එක තියෙන trade ඉඳන් තමයි trades close කරන්නේ.

මම කිව්වනේ Margin Level එක එක්තරා සීමාවකට වඩා අඩුවුනාම මේක වෙන්නේ කියලා. ඒ සීමාවට කියන්නේ Margin Call කියලා. මේක පෙන්වන්නේ ප්රතිශතයක් විදිහට සාමාන්යයෙන් 100% තමයි ඒ සීමාව. ඒ කියන්නේ අපේ account එකේ Margin level එක 100% වඩා අඩුවෙන්න ගියොත් broker automatically අපේ trades close කරනවා. මෙහෙම වෙනවට කියන්නේ Margin call එකක් ලැබිලා කියලා. හැබැයි දැන් සමහර brokerලාගේ මේ වගේ සීමාවන් 2ක් තියෙනවා එකක් Margin Call කියලා අනිත් එක Stop out level කියලා. එහෙම Levels 2ක් දීලා තියෙනවා නම් එතනදී Margin Call කියන සීමාවෙදි broker අපිට warning එකක් දෙනවා අපේ trades close වෙන්න ලඟයි කියලා. අපි ඒකත් ගනන් ගන්නේ නැතුව හිටියොත් Stop out level කියන සීමාවට ආපු ගමන් අපේ trades close වෙන්න පටන් ගන්නවා.

උදාහරණයක් විදිහට Margin Call එක 30% හා Stop out level එක 20% නම්, අපේ Margin Level එක 30% වුනාම අපිට broker ගෙන warning එකක් එනවා. අපේ Margin Level එක 20% වෙච්ච ගමන් අපේ trades close වෙන්න පටන් ගන්නවා.

සමහර broker ලා දෙන්නේ Margin Call කියන සීමාව විතරයි. ඒ කියන්නේ එතන අදහස Margin Call එකයි Stop out level කියන එකයි 2කම එකයි කියන එක. උදාහරණයක් විදිහට broker කෙනෙක් කිව්වොත් Margin Call එක 50% කියලා. ඒකේ අදහස Stop out level එකත් 50% කියන එක. ඒ කියන්නේ අපේ Margin Level එක 50% වෙච්ච ගමන් අපේ trades close වෙන්න පටන් ගන්නවා.


අපි නිවැරදි විදිහට මුදල් පාලනය (Money management) කරනවා නම් අපිට කවදාවත් Margin Call එකක් කොහොමටවත් එන්නේ නෑ. ඒ නිසා මම Margin Call හා Stop out level 100% තියෙද්දී හා ඊට වඩා අඩුවෙන් තියෙද්දී තිබෙන වාසි හා අවාසි ගැන කතා කරන්න යන්නේ නෑ. මොකද අපි කවදාවත් Margin Call එකක් එන අහලකටවත් යන්න හිතන්නවත් හොඳ නැති නිසා. හැබැයි මේ ගැන ප්රශ්න තියෙනවා නම් අහන්න.



23. අළුත් demo account එකක් open කරමු.
කලින් පාඩමකින් මම කියලා දුන්නානේ කොහොමද demo account එකක් open කරගන්නේ කියලා. දැන් මෙච්චර දවස් trades open, close කරලා සමහර අයගේ account එකේ සල්ලි බිංදුවටම හිදිලා ඇති. එහෙමත් නැතිනම් සමහර අයගේ accounts වල charts update වෙන්නේ නැතුව "Invalid account" කියලා පෙන්වනවා ඇති.




ඔයාලටත් එහෙම වුනා නම් ආයේ demo account එකක් open කරන්න Metatrader download කරන්න ඕනේ නෑ. මේ post එකෙන් මම කියලා දෙන්නම් ආයෙත් demo account එකක් open කරගන්නේ කොහොමද කියලා.

ඉස්සෙල්ලාම දැන් අපේ account number එක කොහේ හරි සටහනක් දාගන්න. Account number තියෙන්නේ Navigator කියන කොටුවේ Accounts කියන heading එක යටතේ. ඒක තමයි මම පහත රූපසටහනේ රතුපාට රවුමකින් සටහන් කරලා තියෙන්නේ.


දැන් Metatrader එකේ File menu එකේ Open an Account කියන එක select කරන්න.



දැන් අපි කලින් fill කරපු විදිහටම data ටික fill කරලා "I agree to subscribe to your newsletters" කියන checkbox එකටත් tick එකක් දාන්න.



ඊට පස්සේ Next button එක දෙපාරක් click කරලා Finish button එක click කරන්න. Metatrader එක update වෙන්න dialogbox එකක් ආවොත් update එකත් කරන්න. (මේක කරන හැටි ඔයාලා දන්නවානේ. මතක නැතිනම් කලින් මම කරපු demo account එකක් open කරන පාඩම බලන්න. ඒත් පැහැදිලි නැතිනම් ප්රශ්න අහන්න.)

දැන් ආපහු බලන්න Navigator කොටුවේ Accounts කියන තැන. දැන් එතන Accounts 2ක් තියෙනව නේද?


අපි ඉස්සෙල්ලා අපේ පරණ account number එක සටහනක් දාගත්තනේ. දැන් ඔයාලට ඕනෙ නම් ඒ සටහන බලලා පරණ account number එක උඩ right click කරලා ඒ පරණ account එක delete කරලා දාන්න පුළුවන්. හැබැයි හොඳට මතක තියාගන්න මෙහෙම කලාම අපේ පරණ trades වල data ඔක්කොම delete වෙනවා කියලා. දැනට අපි trades සටහන් කරගන්නේ නැති නිසා ඔයාල ඒ පරණ account එක delete කරලා දාන්න.

දැන් අපිට ආපහු USD 3000ක් එක්ක අළුත් demo account එකක් ලැබිලා තියෙනවා.




24. Stop Loss හා Take Profit - 1 (Money management Lesson - 2)
. මම මේ අද කරන්න යන පාඩමත් ඉතාමත් වැදගත් පාඩමක්. මේකේ කියලා දීලා තියෙන දේවල් හොඳට තේරුම් ගන්න එක ඉතාමත් වැදගත්.

කලින් පාඩමකින් අපි Margin Level එක ගැන ඉගෙන ගත්තා මතකද? (21 පාඩමින්). අපි ඒ පාඩමේදී ඉගෙන ගත්තා Margin Call එකක් කියන්නේ මොකක්ද කියලත්. හැබැයි Margin Call එකක් හරියටම ඇතිවෙන්නේ කොහොමද කියලා ඔයාලට පැහැදිලි මදි කියලා මම හිතනවා. ඒ නිසා අද අපි ඉස්සෙල්ලාම ඒක ගැන පොඩ්ඩක් බලමු.

ඊට කලින් කියන්න දෙයක් තියෙනවා. මගේ blog එක බලන සහෝදරයෙක් අහලා තිබ්බා "Forex වල trade එකක් open කරලා ඒ trade එක close කරන්න නිශ්චිත කාල සීමාවක් තියෙනවද කියලා. එහෙම නිශ්චිත කාල සීමාවක් නැතිනම් අපිට කවදාවත් loss එකක් නැතිව trades close කරන්න පුළුවන් නේද?" කියලා. ඉතාමත් හොඳ ප්රශ්නයක්, මොකද අපි trade එක open කරපු ගමන් trade එක loss පැත්තට ගියත් කවදා හරි price එක ආපහු profit පැත්තට එනකම් ඉඳලා අපිට trade එක close කරන්න පුළුවන් නිසා. මොකද ඔයාලා දන්නවා නේ Forex market එකේ price එක හැමවෙලේම ඉහල පහල යනවා කියලා. මේක මෙහෙම කරන්න පුළුවන් නම් කවුරුත් මේක කරන්නේ නැත්තේ ඇයි? මේකට හේතුව තමයි Margin Call කියන එක. අපි හරියට Money management නොකලොත්, trade එකක් දිගින් දිගටම loss පැත්තට ගියොත් අපිට Margin Call එකක් එන්න පුළුවන්. ඒ කියන්නේ අපේ Forex account එකේ ඉතිරි වෙන්නේ අපි trade එක open කරද්දී broker අපෙන් ගන්න Margin එක විතරයි. ඉතිරි සල්ලි ටික ඔක්කොම Forex market එකට යනවා. අපි උදාහරණයකින්ම මේක ගැන study කරමු. මේ උදාහරණයේදී Margin call එකක් ලැබෙන Marging Level එක විදිහට 100% අපි පාවිච්චි කරමු මොකද මේක තමයි ගොඩක් brokersලා Margin call එකක් ලබාදෙන අවස්ථාව.


අපි හිතමු EUR/USD = 1.4841/1.4844, අපේ account balance එක USD 3000 හා අපේ Leverage එක 400:1, අපි buy order එකක් කරනවා Lots1,

එතකොට අපේ Margin එක වෙන්නේ, 1.4844 X 100,000 / 400
= USD 371.1
(Margin කියන්නේ මොකක්ද කියලා මතක නැතිනම් 21 පාඩම බලන්න.)
දැන් අපේ හිතමු අපේ කරුමෙට trade එක loss පැත්තට යනවා කියලා. දැන් EUR/USD = 1.4821/1.4824 නම් අපේ account එකේ Equity, Free Margin හා Margin Level එක කීයද කියලා අපි Calculate කරලා බලමු.

Loss in Pips = 1.4821 - 1.4844
= -23

Loss in USD = (0.0001 X -23 X 100,000)
= USD - 230 (මේ ගණන මෙහෙම වෙන්නේ කොහොමද කියලා පැහැදිලි නැතිනම් 11 පාඩම් බලන්න. ඒත් පැහැදිලි නැතිනම් අහන්න.)

එහෙනම්,
Equity = 3000 - 230
= USD 2770

Free Margin = 2770 - 371.10
= USD 2398.90

Margin Level = (2770 / (148,440/400)) X 100
= 746.43%

Trade එක තවදුරටත් loss පැත්තට යනවා. අපි හිතමු දැන් trade එකෙන් Pips 100ක loss එකක් වෙලා කියලා. ඒ කියන්නේ EUR/USD = 1.4744/1.4747. දැන් අපි ආයෙත් බලමු Equity, Free Margin හා Margin Level එක කීයද කියලා.


Loss in USD = (0.0001 X -100 X 100,000)
= USD - 1000


Equity - 3000 - 1000
= USD 2000


Free Margin = 2000 - 371.10
= USD 1628.90


Margin Level = (2000 / (148,440/400)) X 100
= 538.94%


දැන් ඔයාලට පේනවද Pips 23ක Loss එකක් තියෙද්දී 746.43% වුනු Margin level එක, Loss එක Pips 100ක් වුනාම 538.94% වෙනවා. දැන් අපි බලමු Pips 250ක loss එකකට පස්සේ අපේ Margin Level එක කීයද කියලා (මතක තියාගන්න අපි තවම trade එක close කරලා නෑ. අපිට trade එක දිහා බලන්න වෙලාවක් නැතුව තියෙද්දී trade එක දිගටම loss පැත්තට යනවා කියලා හිතන්න.)


අපිට Pips 250ක loss එකක් වෙන්නේ EUR/USD = 1.4594/1.4597 වුනාම


Loss in USD = (0.0001 X -250 X 100,000)
= USD - 2500


Equity = 3000 - 2500
= USD 500


Free Margin = 500 - 371.10
= USD 128.90


Margin Level = (500 / (148,440/400)) X 100
= 134.73%


අපේ Account balance එක USD 3000 දී අපි currency lot 1ක trade එකක් open කරලා Pips 250ක loss එකක් කරගත්තොත් අපේ Margin Level එක ආසන්න වශයෙන් 134.73% දක්වා අඩුවෙනවා (ආසන්න වශයෙන් කියලා කිව්වේ මේ Margin Level එක Currency pair එකේ price එකත් එක්ක සුළු වශයෙන් වෙනස් වෙන්න පුළුවන් හින්දා.) USD quote currency එක විදිහට තියෙන currency pairs වල අපිට පහසුවෙන්ම හොයන්න පුළුවන් Margin call එකක් ලැබෙන්න කොච්චර Pips ගණනක Loss එකක් වෙන්න ඕනෙද කියලා. හැබැයි මේ ගණන හදන්න අපිට Currency price, Account balance, Lots හා Leverage කියන දත්ත අවශ්ය වෙනවා. එහෙනම් අපි එහෙම ගණනකුත් හදලා බලමු.


අපි EUR/USD = 1.4525/1.4528 තිබියදී Currency Lot 1ක් buy order එකක් කලොත් Margin Call එකක් එන්නේ Pips කියක් loss වුනොත් ද? (Account balance = 3000, Leverage = 400:1)


අපි දන්නවා, Margin Level = (Equity / Margin) X100
එම නිසා 100% = (Equity / ((1.4528 X 100,000) / 400)) X 100
ඉහත සමීකරණය සුළු කලාම අපිට ලැබෙනවා
Equity = (1.4528 X 100,000)/400
= USD 363.20


Account balance එක USD 3000 නම් Equity එක USD 363.20 දක්වා අඩුවෙන්න, සිදුවෙන්න අවශ්ය loss එක,
Loss in USD = 3000 - 363.20
= USD 2636.80


Pips ගණන = 2636.80 / (0.0001 X 1 X 100,000)
= 263.68
= 263


දැන් තේරෙනවද, අපි EUR/USD = 1.4525/1.4528 තිබියදී Currency Lot 1ක් buy order එකක් කලොත් Margin Call එකක් එන්නේ Pips 263කට වඩා loss වුනොත්.


කෙටියෙන් කිව්වොත් අපිට ඉහත උදාහරණයේ විදිහට Margin call එකක් ආවොත් අපේ Account එකේ තිබ්බ USD 3000න් ඉතිරි වෙන්නේ trade එක open කරන්න ගිය Margin එක විතරයි. ඒ කියන්නේ USD 363.20ක් විතරයි.

Pips 263ක් කියන්නේ Forex market එකේ ලොකු ගණනක් නෙවෙයි. Market එකේ condition එක්ක pips 263ක් සතියකින් වුනත් move වෙන්න පුළුවන්. දැන් ඔයාලට තරමක් පැහැදිලි ඇති ඇයි Trade එකක් loss පැත්තට යද්දී කවදා හරි ඒක profit වලට හරවා ගන්න පුළුවන් වෙයි කියලා හිතලා ඒ trade එක අල්ලගෙන ඉන්න එක එතරම් නුවණට හුරු නැත්තේ ඇයි කියලා.

බොහෝමයක් Professional forex tradersලා කරන්නේ trade එක loss පැත්තට යද්දී වැඩි දුර යන්න නොදී ඒ trade එක close කරන එක. එතකොට එයාලට loss එකකින් සිදුවන පාඩුව අවම කරගන්න පුළුවන්. මෙන්න මේකට තමයි අපි Stop loss කියන එක පාවිච්චි කරන්නේ.

මේක වැඩ කරන විදිහ හරිම සරලයි. Stop loss කියන දත්තය අපිට trade එක open කරන කොටම හරි, එහෙමත් නැතිනම් trade එක open කරලා පස්සේ වෙලාවක ඇතුලත් කරන්නත් පුළුවන්. මෙහෙම Stop loss කියන data එක enter කලාම වෙන්නේ Currency pair එකේ price එක Stop loss කියන එකේ තියෙන අගයට සමාන වෙච්ච ගමන් අපේ trade එක auto close වෙන එක. එතකොට trade එක දිගටම loss පැත්තට යමින් තිබුනා නම් අපිට සිදුවෙන්න තිබුනු loss එක අවම කරගන්න පුළුවන් වෙනවා. Stop loss කියන එක මෙහෙම තේරුම් ගන්න පුළුවන් වුනාට Stop loss එකේ අගය තීරණය එක එච්චර පහසු වැඩක් නෙවෙයි. මොකද අපි Stop loss එක අඩු ගණනක් දැම්මොත් trade එක පොඩ්ඩක් loss පැත්තට ගිය ගමන් close වෙනවනේ. එතකොට පොඩි පොඩි losses ගොඩක් එකතු වෙලා අපිට ලොකු පාඩුවක් වෙන්න පුළුවන්. ඒ වගේම අපි Stop loss එක ලොකු ගණනක් දැම්මොත්, අපි කරන trade එක loss වුනොත් අපිට ලොකු පාඩුවක් වෙනවා. මේකේ අගය තීරණය කිරීමේ හැකියාව අපිට පළපුරුද්දත් එක්ක ලබා ගන්න පුළුවන්. අපි මීළඟ post එකෙන් බලමු Metatrader එකේ Stop loss එකක් දාන්නේ කොහොමද කියලා.

අනිත් එක තමයි Take profit කියන එක. මේකත් Stop loss වගේම එකක් හැබැයි මේක Stop loss එකේ අනිත් පැත්ත. ඒ කියන්නේ trade එක profit පැත්තට යද්දී අපිට අවශ්ය අගයකදී trade එක close කරගන්න තමයි Take profit කියන එක පාවිච්චි කරන්නේ. දැන් ඔයාලා බලයි trade එක profit පැත්තට යනවා නම් මොකටද trade එක close කරන්නේ කියලා. මේකට හේතුව තමයි trade එක දැන් profit පැත්තට ගියාට තව මොහොතකින් කොහේ යයි ද කියලා ශක්රයාටවත් කියන්න බැරි නිසා. හදිසියේවත් trade එක profit පැත්තට ගිහිල්ලා ඒක profit තියෙද්දී close කරගන්න බැරි වුනොත් හරිම පාඩුවක් තමයි වෙන්නේ. ඒක වලක්වන්න තමයි Take profit කියන value එක තියෙන්නේ. මීළඟ post එකෙන් මම කියලා දෙන්නම් අපේ trade එකට Take profit කියන එක enter කරන්නේ කොහොමද කියලා.




25. Stop Loss හා Take Profit - 2 (Money management Lesson - 2)
කලින් පාඩමෙන් අපි Stop Loss, Take Profit කියන්නේ මොනාද කියලා ඉගෙන ගත්තනේ. අද අපි බලමු Metatrader එකේ Stop Loss හා Take Profit කියන අගයන් අපි trade එකක් open කරද්දී දෙන්නේ කොහොමද කියලා.

එහෙනම් Metatrader එක open කරලා EUR/USD M15 chart එක ගන්න. ඊට පස්සේ අපි කලින් හදාගත්ත Standard colors කියන template එක load කරගන්න. (මේවා කරන හැටි මතක නැතිනම් 17 පාඩම බලන්න.) ඊට පස්සේ Auto scroll කියන button එක uncheck කරලා Chart shift කියන button එක click කරන්න.



අපි Stop Loss කියන්නේ මොකක්ද කියලා දැනගත්තාට ඒකේ අගය හරියටම තීරණය කරන එක ලේසිපාසු වැඩක් නෙවෙයි. Forex trader කෙනෙක් සාර්ථක වෙනවද, නැතිනම් අසාර්ථක වෙනවද කියන එකට බලපාන එක සාධකයක් තමයි මේ Stop loss කියන එක. Take Profit කියන අගයටත් වඩා වැදගත් මේ Stop Loss කියන එක. Stop Loss හා Take Profit කියන අගයන් එක්කෝ Pips ගණනක් විදිහට එහෙමත් නැතිනම් price එකක් විදිහටත් දක්වන්න පුළුවන්. ඒ වගේම Buy order එකක් කරද්දී Stop Loss එක තියෙන පැත්තයි Sell order එකක් කරද්දී Stop loss එක තියෙන පැත්තයි වෙනස්. අපි උදාහරණ කීපයක් බලමු.



ඉහත රූපසටහන බැලුවාම ඔයාලට පැහැදිලි ඇති Sell order එකකදී Stop loss එකේ අගය අපි trade එක open කරපු price එකට වඩා වැඩි අගයක් ගන්න බවත්, ඒවගේම Take profit එකේ අගය අපි trade එක open කරපු price එකට වඩා අඩු අගයක් ගන්න බවත්. Buy order එකකදී මේකේ සම්පුර්ණයෙන් අනිත් පැත්ත. රූපසටහනේ Stop loss හා Take profit අගයන් දක්වලා තියෙන්නේ price එකක් විදිහට අපි කොහොමද ඒ අගයන් Pips වලින් දැනගන්නේ. අපි ඉස්සෙල්ලාම බලමු Sell order එක.

Stop loss in pips of a Sell order = (Stop loss price ) - (Sell order opened price)
= 1.4365 - 1.4326
= 40 Pips

එතකොට රූපසටහනේ විදිහට අපේ Stop loss එක Pips වලින් ගත්තාම අපි Pips 40ක Stop loss එකක් තමයි දාලා තියෙන්නේ. එතකොට Sell order එකේ Take profit එකේ අගය Pips වලින් කීයද?

Take profit in pips of a Sell order = (Sell order opened price) - (Take profit price)
= 1.4325 - 1.4265
= 60 Pips

එතකොට අපේ Take profit එක වෙලා තියෙන්නේ Pips 60ක්. ඒ කියන්නේ මේ දාලා තියෙන Sell order එකෙන් අපි Pips 40ක අවදානමක් අරගෙන Pips 60ක් හොයන්න බලාපොරොත්තු වෙනවා. අපි දැන් බලමු Buy order එක දිහා.

Stop loss in pips of a Buy order = (Buy order opened price) - (Stop loss price)
= 1.4325 - 1.4285
= 40 Pips

Take profit in pips of a Buy order = (Take profit price) - (Buy order opened price)
= 1.4385 - 1.4325
= 60 Pips

එතකොට අපිට පේනවා Buy order එකත් Sell order එක වගේ ම Pip 40ක Stop loss එකක් හා Pip 60ක Take profit එකක් තියෙනවා කියලා.


Sell order එකක open කරන price එක 1.4352 නම්, හා Stop Loss එක Pips 50ක් හා Take profit එක Pips 100ක් නම්, Stop loss එකේ price එකේ හා Take Profit එකේ price එක කීයද?


Sell order එකක Stop Loss එක තියෙන්නේ Order එක open කරපු price එකට වඩා උඩින් (ඒ කියන්නේ order එක open කරපු price එකට වඩා වැඩි අගයක් තමයි Stop Loss එක වෙන්නේ.) ඒ නිසා,


Stop Loss price = 1.4352 + 0.0050
= 1.4402


Sell order එකක Take Profit එක තියෙන්නේ Order එක open කරපු price එකට වඩා පහලින් (ඒ කියන්නේ order එක open කරපු price එකට වඩා අඩු අගයක් තමයි Take Profit එක වෙන්නේ.) ඒ නිසා,


Take Profit price = 1.4352 - 0.0100
= 1.4252



Buy order එකක open කරන price එක 1.3221 නම්, හා Stop Loss එක Pips 30ක් හා Take profit එක Pips 90ක් නම්, Stop loss එකේ price එකේ හා Take Profit එකේ price එක කීයද?


Buy order එකක Stop Loss එක තියෙන්නේ Order එක open කරපු price එකට වඩා පහලින් (ඒ කියන්නේ order එක open කරපු price එකට වඩා අඩු අගයක් තමයි Stop Loss එක වෙන්නේ.) ඒ නිසා,


Stop Loss price = 1.3221 - 0.0030
= 1.3191


Buy order එකක Take Profit එක තියෙන්නේ Order එක open කරපු price එකට වඩා ඉහලින් (ඒ කියන්නේ order එක open කරපු price එකට වඩා වැඩි අගයක් තමයි Take Profit එක වෙන්නේ.) ඒ නිසා,


Take Profit price = 1.3221 + 0.0090
= 1.3311

තව එක උදාහරණයක් බලමු.

Buy order එකක open කරන price එක 90.51 නම්, හා Stop Loss එක Pips 30ක් හා Take profit එක Pips 90ක් නම්, Stop loss එකේ price එකේ හා Take Profit එකේ price එක කීයද?

Buy order එකක Stop Loss එක තියෙන්නේ Order එක open කරපු price එකට වඩා පහලින් (ඒ කියන්නේ order එක open කරපු price එකට වඩා අඩු අගයක් තමයි Stop Loss එක වෙන්නේ.) ඒ නිසා,

Stop Loss price = 90.51 - 0.30
= 90.21

Buy order එකක Take Profit එක තියෙන්නේ Order එක open කරපු price එකට වඩා ඉහලින් (ඒ කියන්නේ order එක open කරපු price එකට වඩා වැඩි අගයක් තමයි Take Profit එක වෙන්නේ.) ඒ නිසා,

Take Profit price = 90.51 + 0.90
= 91.41

අන්තිම උදාහරණය පැටලිලි සහගතද? අන්තිම උදාහරණය සඳහා මම පාවිච්චි කලේ USD/JPY වගේ Quote currency එක JPY වෙන pair එකක price එකක්. මතකනේ ඒ වගේ Currency pairs වල prices දක්වන්නේ දශමස්ථාන 2කින්.

දැන් ඔයාලට Stop Loss හා Take Profit අගයන් ගැන අවබෝධයක් ලැබෙන්න ඇති කියලා මම හිතනවා. මෙතන ඉඳලා මම Stop Loss කියන එක "SL" විදිහටත් Take Profit කියන එක "TP" විදිහටත් හඳුන්වන්නම්. Forex market එකේ එහෙම තමයි Stop Loss එකයි Take Profit එකයි හඳුන්වන්නේ.

ඔයාලට මතක ඇති අපි කලින් පාඩමකදී Trade කරන හැටි පුරුදු වෙන්න පොඩි Trading strategy එකක් හදා ගත්තා. ඒ Strategy එකට අනුව අන්තිමට හැදුනු Candle එක red නම් Sell order එකකුත්, අන්තිමට හැදුනු Candle එක green නම් Buy order එකකුත් අපි කලා. අද අපි බලමු අපේ ඒ පොඩි Strategy එකට SL හා TP අගයන් ඇතුලත් කරගන්නේ කොහොමද කියලා.

අපි අපේ TP අගය SL අගය වගේ 2 ගුණයක් විදිහට තමයි ගන්න යන්නේ. ඒ කියන්නේ අපේ SL අගය Pips 20ක් නම්, අපේ TP අගය Pips 40ක් වෙනවා.

අපි මෙහෙමයි මේක කරන්න යන්නේ, දැනට හැදෙමින් පවතින Candle එක red Candle එකක් නම් ඒ Candle එකේ High අගයට වඩා Pip 1ක් වැඩියෙන් තමයි අපි අපේ SL අගය විදිහට ගන්න යන්නේ. දැනට හැදෙමින් පවතින Candle එක Green candle එකක් නම් ඒ Candle එකේ Low අගයට වඩා Pip 1ක් අඩුවෙන් තමයි අපි අපේ SL අගය විදිහට ගන්නේ.

හරි එහෙනම් දැනට හැදෙමින් පවතින Candle එක හැදිලා ඉවර වෙච්ච් ගමන් අදාල විදිහට trade එක open කරන්න. Lots ගණන 0.1





මම කරලා තියෙන්නේ Buy order එකක් නිසා මගේ SL එක වෙන්නේ කලින් හැදුනු green candle එකේ Low price එකෙන් Pip 1ක් අඩුවුනාම එන ගණන. කලින් Candle එකේ Low price එක හොයාගන්න පුළුවන් ඔයාලාගේ Mouse cursor එක අර මම සුදුපාට ඊතලයකින් දක්වලා තියෙන තැනට අරන් ගියාම. ඒ කියන්නේ ඒ අදාල candle එකේ close price එක ගාවට.

මගේ Chart එක අනුව, මගේ green candle එකේ low price එක වෙන්නේ 1.4234 ඒකෙන් Pip 1ක් අඩුවුනාම 1.4233. ඒක තමයි මගේ SL එක. ඔයාලත් අදාල විදිහට ඔයාලගේ SL එක ගණනය කරගන්න. SL එක දන්නවා නම් අපිට TP හොයාගන්න දැන් පුළුවන් නේද? හැබැයි ඉස්සෙල්ලාම අපි trade එක open කරපු price එක දැන ගන්න ඕනෙ. ඒක අපේ Metatrader එකේ පහලම තියෙන Terminal කියන කොටුවේ තියෙනවා.



අපේ SL එකේ price එක 1.4233 නිසා අපේ SL එක Pips වලින් හොයන්න අපිට පොඩි calculation එකක් කරන්න වෙනවා. ඒකට තමයි අපිට අපි trade එක open කරපු price එක දැනගන්න ඕනෙ. හැබැයි ඒ රූපසටහනේ prices 2ක් දැක්වෙනවා. මේ දෙකෙන් මම රවුම් කරලා තියෙන එක තමයි අපිට අදාල price එක , ඒ කියන්නේ Symbol කියන එකට ලඟින් තියෙන price එක. අනිත් price එකෙන් පෙන්වන්නේ දැන් price එක. අපේ price එක වෙන්නේ 1.4256 එහෙනම් අපි දැන් බලමු අපේ SL එක Pips වලින් කීයද කියලා.

SL in Pips = 1.4256 - 1.4233
= 23 Pips

ඒ කියන්නේ අපේ SL එක Pips 23. අපි කලින් කිව්වනේ අපේ TP එක SL එක වගේ 2 ගුණයක් කියලා එහෙනම් අපේ TP එක වෙන්නේ Pips 46ක්. දැන් අපිට අපේ TP price එක හොයාගන්න පුළුවන්.

TP price = 1.4256 + 0.0046
= 1.4302

දැන් අපි දන්නවා අපේ SL price එක 1.4233 හා TP price එක 1.4302 කියලා දැන් අපිට තියෙන්නේ ඒ අගයන් 2ක අපේ order එකට ඇතුල් කරන්න විතරයි.

මේක කරන්න ක්රම 2ක් තියෙනවා. එකක් තමයි Terminal window එකේ අපේ trade එක උඩ right click කරන එක. එතකොට එන Menu එකෙන් "Modify or Delete order" කියන එක select කරන්න ඕනෙ.



එහෙම නැතිනම් තියෙන්නේ අපේ order එකේ S/L හෝ T/P වලින් දක්වලා තියෙන කොටු දෙකෙන් එකක් double click කරන එක.



ඉහත රූපසටහනේ මම රතු පාට කොටු 2කින් දක්වලා තියෙන්නේ ඒ තැන් 2ක. කොයි ක්රමයට කලත් ඔයාලට පහත දැක්වෙන ආකාරයේ window එකක් ලැබෙන්න ඕනෙ.



ඊට පස්සේ කරන්න තියෙන්නේ අදාල කොටුවලට අපි ගණනය කරගත්ත SL හා TP අගයන් ඇතුලත් කරලා Modify කියලා තියෙන button එක click කරන එක. මේ Modify කියන button එක enable වෙන්නේ නැතිනම් ඔයාලගේ SL එකේ හරි TP එකේ හරි මොකක් හරි වැරැද්දක් තියෙනවා. එතකොට check කරලා බලන්න වැරදිලාවත් Market price එක අපේ SL හෝ TP අගයට ලංවෙලාද කියලා. මොකද ඒ prices අතර අඩුම ගණනේ pips 4ක වත් වෙනසක් තියෙන්නේ ඕනෙ.

එහෙනම් දැන් ඔයාලා SL හා TP කියන්නේ මොනාද? ඒවා කොහොමද Metatrader එකේ දී පාවිච්චි කරන්නේ කියලා දන්නවා. මම උදාහරණයට ගත්තේ Buy order එකක්, Sell order එකකදී මේකේ අනිත් පැත්ත. මම හිතන්නේ දැන් ගොඩක් දෙනෙක්ට තේරෙනවා. පැහැදිලි නැති කෙනෙක් ඉන්නවා නම් අහන්න.




forex signals
සිග්නල පිලිබඳ බොහෝ දෙනා තුල අවබෝධයක් නොමැති නිසා ඒ පිළිබඳව කෙටි හැදින්වීමක් .........

මුලින්ම සිග්නලයක් LITE FOREX , ETORO වැනි එකී මෙකි නොකී ඕනෑම බ්රෝකර් සමාගමක් හරහා භාවිතා කර හැකි බව කිව යුතුය.


GBP/USD , AUD/USD , EUR/JPY , යනු මොනවාද යන්න ඔබ හොදින් හදුනන නිසා ඒ පිළිබඳව අප හැදින්වීමක් කිරීමට අප බලාපොරොත්තු නොවෙමු .


පළමුවෙන්ම BUY STOP , SELL STOP යනු මොනවාද යන්න කෙටියෙන් හැඳින්වීමක් කිරීමට බලාපොරොත්තු වෙමු. බොහෝ දුරට සිග්නල වලදී බොහෝවිට BUY STOP , SELL STOP බහුලව භාවිතා වන අතර ඉතාමත් කලාතුරකින් BUY LIMIT හා SELL LIMIT ලෙසද භාවිතා වේ. BUY හෝ SELL ලෙස නොපවසා ඉහත ලෙස පැවසීමට හේතුව වන්නේ ඔබට එවන සිග්නල පෙන්ඩින් ඕඩර් ( PENDING ORDER ) ලෙස එවන්නා වූ නිසාය.එනම් ඉදිරියේදී දැමිය යුතු ලෙස එවනු ලබන ඕඩරයක් නිසාය.( ඔබ සිග්නලය ට්රේඩ් කිරීමට යොදා ගන්න අවස්ථාවේ එම ස්ථානය පසුකර ඇති නම් ඔබට BUY හෝ SELL ලෙස එය දැමිය හැක)


ENTRY මෙහිදී එන්ට්රි යනු ඕඩරය දැමිය යුතු ස්ථානය වන අතර එයට පෙර ට්රේඩ් කිරීමෙන් ඔබට පාඩු හෝ ලාබ විය හැක. නමුත් අප විසින් දෙනු ලබන ස්ථානය තෝරාගැනීම ඉතාම සුදුසු වේ.( මොකද ? අප ලබා දුන් ස්ථානයට ආසන්නයේ පිහිටියත් එය කරා නොගොස් අනික් පසට යා හැකි නිසා ).

TARGET 1 ,TARGET 2 මේවා ලාබ ලබා අවසන් කරයුතු ස්ථාන වේ.බොහෝ දෙනා ටාගට් 1 හා ටාගට් 2 සඳහා ඕඩර 2 ක් දමනු ලබන අතර එයද හොඳ ක්රමයකි . නමුත් මේ පිළිබඳව අධ්යනය කර තමාගේම ක්රමයක් සකසා ගැනීම වඩා යෝග්ය වේ.මෙහිදී ටාගට් 1 පසුකර ටාගට් 2 දක්වා නොයන අවස්ථාද ඇති අතර එසේ නොගොස් පාඩු වන දිශාවට ගමන් කිරීමටද ඉඩ ඇත ( අප මෙවැනි විටකදී TARGET 1 හි අගය + පිප්ස් අගයක් ලෙස ගනු ලබයි ). එම නිසා මෙහිදී ටාගට් 2 පිලිබඳ විශේෂ සැලකිල්ලක් දැක්විය යුතු අතර තීරණය ඔබේ අතේ පවතී .


STOP යනු පාඩු ලබා අවසන් වන ස්ථානය වේ .මෙම ස්ථානය ඉතාමත් වැදගත් ස්ථානයකි , එයට හේතුව වන්නේ බොහෝ දෙනා පාඩු ලැබීමට අකමැති නිසාය. එනම් බොහෝ දෙනා ට්රේඩ් කරන විට STOP LOSS එක දමනු නොලබයි, සමහර අවස්ථා වලදී මෙය වාසියක් වන අතර අවාසි වන අවස්ථා බහුල වේ.ෆොරෙක්ස් වලදී ලාබ මෙන්ම පාඩුද එක ලෙස දරා ගත යුතුය එම නිසා STOP යන ස්ථානය නිවැරදිව දැමිය යුතුය.


පාඩු වුවාට බිය නොවන්න අප පාඩු , ලාබ දෙකම එක ලෙස ලබමින් කෙසේ හෝ මාසය අවසානයේ + 1000 ක පමණ පිප්ස් ප්රමාණයක ලාබයක් ඔබ හට ලබා දෙන්නෙමු. මේ පිළිබඳව අපැහැදිලි තැන ඔබට පැවතිය හැක. එම නිසා ඔබ දිගටම අප වෙතින් සිග්නලය ලබා ගැනීමට කැමති නම් අපව දුරකතනයෙන් අමතා මේ පිළිබඳව විස්තර ලබා ගැනීම සුදුසුය. දුරකතනයෙන් ඇමතීමට අවශ්ය ය. ෆේස් බුක් මැසේජයක් මගින් හෝ ඊ මේලයක් මගින් දන්වන්න ඒ ය සඳහා අපව ඇමතීමට දුරකථන අංකයක් ලබා දෙනු ලැබේ ....




method
බොහෝ දෙනා අපගෙන් සිග්නලයක ටාගට් 1 හා ටාගට් 2 පිළිබඳව විමසන ලද අතර අප බොහෝ දෙනාට පැවසුවේ ටාගට් 1 හා ටාගට් 2 සඳහා ට්රේඩ් 2 ක් දැමීම සුදුසු බවයි. නමුත් ඒ සඳහා තමන්ගේම මෙතඩ් එකක් භාවිතා කිරීමට උත්සහ ගන්නා ලෙස අප ඔබට කිවා ඔබට මතක ඇති...... නමුත් එසේ තවමත් තමන්ගේ මෙතඩ් එකක් සදා නොගත් අය සඳහා අප විසින් මේ පෙන්වන්නාවූ මෙතඩ් 3 න් එකක් භාවිතා කර හැක.

(1) TARGET 1 =

මෙහිදී අප මෙතෙක් එවන ලද සිග්නල සියල්ගේම ටාගට් 1 පමණක් ආවේ යැයි සලකා ඔබ විසින් ට්රේඩ් කරන අතර එවිට ටාගට් 1 වෙත පැමිණි සියල්ල ධන + පිප්ස් අගයන් ලෙසද, stop කරා එන සියල්ල ඍණ - පිප්ස් අගයන් වේ එලෙස ලබා අගයන් එක් එක් සිග්නලය ඉදිරියේ රෝස පැහැයෙන් දක්වා ඇත .

(2) TARGET 2 =

මෙහිදී අප මෙතෙක් එවන ලද සිග්නල සියල්ගේම ටාගට් 2 පමණක් ආවේ යැයි සලකා ඔබ විසින් ට්රේඩ් කරන අතර එවිට ටාගට් 2 වෙත පැමිණි සියල්ල ධන + පිප්ස් අගයන් ලෙසද, ටාගට් 1 කරා පමණක් පැමිණි අගයන් නොසලකා ඒවා සියල්ලද stop කරා ගිය ඒවා යැයිද සලකන අතර stop කරා ගිය සියල්ලද ඍණ - පිප්ස් අගයන් ලෙස ගනු ලබයි.එලෙස ලබා අගයන් එක් එක් සිග්නලය ඉදිරියේ කොළ පැහැයෙන් දක්වා ඇත.
.

(3)TARGET 1 / TARGET 2 =

මෙහිදී අප එවන සිග්නලයේ ටාගට් 1 හා ටාගට් 2 යන දෙකම සලකා ට්රේඩ් 2 ක් දමනු ලබන අතර , ටාගට් 1 කරා පමණක් පැමිණි ඒවා ධන + පිප්ස් අගයන් වෙනමද , ටාගට් 2 කරා පමණක් පැමිණි ඒවා ධන + පිප්ස් අගයන් වෙනමද , ගෙන " (ටාගට් 1 පිප්ස් ) +(ටාගට් 2 පිප්ස් ) " අගය ලෙස සලකා ටාගට් 2 දක්වාම ගිය සිග්නලවල පිප්ස් අගයන් ගණනය කරන අතර , ටාගට් 1 කරා පමණක් ගිය ඒවාහි ටාගට් 1 හි පිප්ස් අගය ධන + ලෙසද , ටාගට් 2 කරා නොගිය ඒවා stop වෙත ගොස් loss වුවේ යැයි සලකා ස්ටොප් ලෙවල් එක දක්වා පිප්ස් අගය ඍණ - පිප්ස් ලෙස ගෙන දෙකෙහිම වීජීය එකතුව ගෙන ගණනය කරනු ලබන අතර , මෙවැනි විටකදී ටාගට් 1 කරාවත් නොගිහින් ස්ටොප් කරා ගියේ නම් දමන ලද ට්රේඩ් 2 හිම loss වූ පිප්ස් අගයන් වල එකතුව වන ඍණ - පිප්ස් අගය සලකයි.ඒවා නිල් පැහැයෙන් දක්වා ඇත....


අප ඔබට මෙතෙක් ලබා දුන් සිග්නල සියල්ලෙහිම මෙම සියලුම අගයන් එක් එක් සිග්නලයට අදාලව වෙන වෙනම ගණනය කර ඒ ඒ පැහැයෙන් දක්වා ඇත . ගණනය කිරීම් දෙස බැලීමෙන් මම ඉහතින් අදහස් කර දේ ඔබට ඉතා හොදින් වටෙහෙනු ඇත . වටහා ගැනීමට අපහසු නම් අප හට ඊ මේලයක් මගින් දැනුම් දෙන්න.......


• 2011/05/20

EUR/JPY : SELL STOP
ENTRY : 116.42
TARGET 1 : 116.02
TARGET2 : 115.62
STOP : 116.94 pips = +40 pips = +80 pips = +120


• 2011/05/23

@1.05 am.........

AUD/USD : SELL STOP
ENTRY : 1.0612
TARGET 1 : 1.0572
TARGET 2 : 1.0532
STOP : 1.0652 pips = +40 pips = +80 pips = +120

@11.50 am ........

GBP/USD : SELL STOP
ENTRY : 1.6172
TARGET 1 : 1.6132
TARGET 2 : 1.6092
STOP : 1.6212 pips = +40 pips = +80 pips = +120


@12.00 pm............

NZD/USD : SELL STOP
ENTRY : 0.7880
TARGET 1 : 0.7840
TARGET 2 : 0.7800
STOP : 0.7920 pips = -40 pips = -40 pips = -80
• 2011/05/24

@ 12.25 am

EUR/GBP : BUY STOP
ENTRY : 0.8738
TARGET 1 : 0.8768
TARGET 2 : 0.8798
STOP : 0.8698 pips =+30 pips = -40 pips = -10

@ 12.25 am

EUR/CHF : BUY STOP
ENTRY : 1.2425
TARGET 1 : 1.2455
TARGET 2 : 1.2485
STOP : 1.2385 pips = -40 pips = -40 pips = -80

@ 2.40pm

EUR/JPY : BUY STOP
ENTRY : 115.63
TARGET 1 : 116.03
TARGET 2 : 116.43
STOP : 115.13 pips = +40 pips = -50 pips = -10

@ 7.40 pm

GBP/USD : BUY STOP
ENTRY : 1.6188
TARGET 1 : 1.6228
TARGET 2 : 1.6268
STOP : 1.6138
.
@ 2011 / 05 / 25 .... 11.10 am
Please close order GBP/USD At 1.6161 Now..
pips = -27 pips = -27 pips = -54
• 2011/05/25



@11.05 am

EUR/USD : SELL
ENTRY : 1.4023
TARGET 1 : 1.3983
TARGET 2 : 1.3943
STOP : 1.4063 pips = -40 pips = -40 pips = -80


@11.05 am

EUR/JPY : SELL
ENTRY : 114.90
TARGET 1 : 114.50
TARGET 2 : 114.00
STOP : 115.30 pips = -40 pips = -40 pips = -80

@11.33 am

NZD/USD : SELL STOP
ENTRY : 0.7903
TARGET 1 : 0.7873
TARGET 2 : 0.7833
STOP : 0.7943 pips = -40 pips = -40 pips = -80
• 2011/05/26
@ 6.40am

GBP/USD : BUY STOP
ENTRY : 1.6302
TARGET 1 : 1.6352
TARGET 2 : 1.6402
STOP : 1.6252 pips = + 50 pips = +100 pips = +150

@ 11.40am

EUR/JPY : BUY STOP
ENTRY : 116.04
TARGET 1 : 116.44
TARGET 2 : 116.94
STOP : 115.54 pips = -50 pips = -50 pips = -100


@8.36pm

EUR/CHF ; SELL STOP
ENTRY : 1.2221
TARGET 1 : 1.2191
TARGET 2 : 1.2161
STOP : 1.2261 pips = +30 pips = +60 pips = +90
• 2011/05/27

@7.38 pm
GBP/JPY : BUY STOP
ENTRY : 133.61
TARGET 1 : 134.11
TARGET 2 : 134.61
STOP : 133.11 pips = +50 pips = +100 pips = +150
• 2011/05/31

@2.58am

GBP/JPY : BUY STOP
ENTRY : 133.61
TARGET 1 : 134.01
TARGET 2 : 134.51
STOP : 133.11 pips = +40 pips = +90 pips = +130

@4.40pm

AUD/USD : SELL STOP
ENTRY : 1.0650
TARGET 1 : 1.0610
TARGET 2 : 1.0570
STOP : 1.0690 pips = -40 pips = - 40 pips = -80


@9.40pm

GBP/USD : SELL STOP
ENTRY : 1.6421
TARGET 1 : 1.6381
TARGET 2 : 1.6341
STOP : 1.6471 pips = +40 pips =+80 pips=+120




• 2011/06/01
@2.35pm


GBP/JPY : SELL STOP
ENTRY : 133.30
TARGET 1 : 132.90
TARGET 2 : 132.40
STOP : 133.80 pips =+40 pips = +90 pips = +130


TOTAL PIPS ( TARGET 1 ) = +123 pips

TOTAL PIPS ( TARGET 2 ) = +363pips

TOTAL PIPS ( TARGET 1 / TARGET 2 ) = +486pips


ගණනය කර ලබා ගත දත්ත අනුව ට්රේඩ් දෙකක් දැමීමේ මෙතඩ් එක ඉතා හොදින් ක්රියා කරන බව පෙනී යයි. මෙම ක්රමයේදී ටාගට් 2 වෙත නොයන විටකදී ඒ බව වටහා ගෙන ටාගට් 1 හිදී හෝ ටාගට් 1 හා ටාගට් 2 අතරදී ට්රේඩ් ක්ලෝස් කිරීමෙන් ඉතා ඉහල පිප්ස් අගයක යා හැකි බව දැන් අමුතුවෙන් නොකීවත් ඔබට වැටහෙනු ඇති අපි විශ්වාස කරමු. ඔබට ජය.......!

THANK YOU

email - kelumkdn@gmail.com